Thursday, February 1, 2024

BEIDAWNNA HNEH DAN

I Nundan Thlirlet La

By Rick Warren
—February 1, 2024
“Chutichuan, khawngaihna zâra he rawngbâwl hna hi kan hmuh avângin kan zâm lo ve.” [2 Korinth 4:1]

Pathianin a hmangaih che tih i hria em? Chu thutak chu dam chhunga i lo hriat tawh ṭhin a ni ang!

Mahse Pathianin a hmangaih che tih i hriat chuan, chu Pathian hmangaihna chu i lo hrefiah tak tak thei em? Pathianin a hmangaih che a ni tih i rin tawh loh chuan, i lo beidawng mai ṭhin. Eng vangin? A chhan chu Pathianin a hmangaih che a ni tih i rin loh chuan a khawngaihna leh lainatnate chu i chang thei ngai lo vang.  

Beidawnna hneh dan ṭha ber chu Pathianin eng tiang takin nge a hmangaih che tih leh chu thutak chu engtianga nghetin nge i thlir tih chu a ni. 

“Chutichuan, khawngaihna zâra he rawngbâwl hna hi kan hmuh avângin kan zâm lo ve.” [2 Korinth 4:1]

Zahngaihna chu eng nge ni? Zahngaihna chu Pathianin a thil pek che chu a ni, i phu reng vang ni lova a pek che chu. Zahngaihna chu Pathianin i tih sual tawh zawng zawng leh i la tihsual zel turte a hre reng chunga thil tha tinreng a pe che chu a ni. Pathian zahngaihna chu i hnual em em lai leh chauh viau lai leh beidawn chang pawha nawr kaltu che chu a ni. 

Kristian tam tak chuan Pathian hmangaihna chu an hre thei lo, a chhan chu Pathian chuan hun harsaah chauh an hnenah thu a sawi dawn nia an ngaih avangin. I aw hriat thin tam berte chu a kawi lam (negative) a nih chuan chu aw chu Pathian aw a ni thei lo vang. 

Pathian chuan amah hmangaih turin a siam che. I nuna a chhan pawimawh hmasa ber chu thil ṭha tih a ni mai lo. I nuna thil pawimawh hmasa ber chu Pathian i lo hmangaih let ve pawh chu a la ni chuang lo. 

I dam chhan pawimawh hmasa ber chu Pathian hmangaihna dawn chu a ni. Chu chu i remtih a, Pathian zahngaihna leh khawngaihna i chan chuan, i nun atana a thil ruahman zawng zawngte chu i lo chang ve thei ang. 

Ngaihtuah zui atan. 

Eng ang thil chuan nge Pathianin a hmuh dan che chu kaihhruai ber nia i hriat? 

Pathian chuan thil tha lo hmangin nge hmangaihnain a be tam zawk che nia i hriat? Eng vangin nge? 

Pathian chu engtiangin nge i in hmangaih tir? Chutiang hmunah chuan engtiangin nge i thil ngaihtuah dan chu thlak danglam i duh?  

*Lettu:* Peka

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...