Monday, January 8, 2024

HMANGAIHNA PATHIAN, DIKNA PATHIAN

_Pathian Thutiam Mak_

Rick Warren
Jan 8, 2024
”Duh takte u, in phubâ la suh ula, Pathian thinurna kian zâwk rawh u, ‘Phubâ rêng rêng keima lâk tûr a ni, keiman ka thungrûl ang,’ Lalpan a ti,” tih ziak a ni si.“ ‭‭Rom ‭12‬:‭19‬ ‭

Hringnun hi a tluang vek lem lo. Chutiang a ni ang tih Pathian hian a sawi bawk hek lo a ni.

Hringnun hi a tluang lo fova a chhan chu khawvelah sual a awm vang a ni. Isua kha siamtha turin a rawn kal a, engtik niah emaw chuan siam that vek an la ni ang. Mahse tunah erawh chuan mi tha lo an hlawhtling rih a ni. Mifelte hian an tawrh zawk chang a awm thin a nih hi.

I hnam vang emaw, in hnam dan vang emaw, tawng leh mipa/hmeichhia nihna avangin emaw tihnawmnah i nih a, dik lo taka i chungah an tih chuan- chu chuan ka thinlung a tinain, i natna avang chuan pawi ka ti hle a ni.

Dik lohna siamtha tur hian kan theihtawp kan chhuah tur a ni. Mahse dik lo nia ka hriat dan aia pawimawh hi a la awm a. Pathianin engtin nge a ngaih tih hi a ni. I nuna natna tinreng Pathian chuan a hmu a, dik lohna avangin a lungngai ve bawk thin.

"I fapa a thih lai khan khawiah nge Pathian a awm?" tih zawhna hi ka dawng leh thin. "A Fapa Isua thih laia a awmna ngaiah tho khan a awm a - mihringte khawlohna avangin a lungngai a ni" tiih ka chhang a ni.

Chuti a nih chuan engah nge a tih tawp loh? Pathian chuan sualna reng reng chu a la bo thei reng a. Mahse kan zalenna min hlihsak dawn tihna a ni.

Pathian chuan natna chu a thlen lohna turin a titawp lo a ni mai thei, mahse a chhinchhiah vek a. Chu mai a ni lo, Bible chuan i mittui tla zawng zawng a khawlkhawm a ti a ni (Sam 56:8). Bible bawk chuan, "Duh takte u, in phubâ la suh ula, Pathian thinurna kian zâwk rawh u, ‘Phubâ rêng rêng keima lâk tûr a ni, keiman ka thungrûl ang,’ Lalpan a ti,” tih ziak a ni si.“
‭‭(Rom ‭12‬:‭19‬) a ti bawk a ni.

Pathian hi hmangaih Pathian a nih avangin, dikna Pathian pawh a ni a. A fate laka natna thlentu sual awm remtih a, dikna rorelsak leh loh chu hmangaih lohna a ni dawn a ni.

Pathian hian dikna a zawn avang hian, i nuna natna thlentu che chu i chelh reng a tul lova. Khakna emaw, mi khinletna emaw phuba avanga hun i khawhral hi a duh lo a ni. Chu chuan khakna tûr bak a kawhhmuh dawn si lo che a. I hun hi khakna atan hmangral suh ang che.

Mi thenkhat chuan kum 10 liamta a i natna kha i la intihnattir reng a, a chhan chu chumi avanga khakna chu ila vawn reng vang a ni. Chu chu atthlak tak a ni. Khak i duh tlat chuan natna a thlen thei che a. I thlah a ngai a ni.

Dikna atana rorelna hi tihkhawtlaia a awm hian dikna chu zawnin a awm lo tihna a ni lo. Pathian chuan miten i chunga an tih chu a hrechiang em em a, chung chu hriat chhuah hun a la awm em em dawn a ni.

Amah chu i ring em? A nih chuan thlah la. Isua hnenah i thinlung hlan la, aman a chingfel vek ang.

Ngaihtuah zui atan...

Tunge rorelna dik pek kawngah tha zawk: nang nge Pathian? Engvangin?

Engvangin nge Pathian hian mitin hi amah thlang turin emaw thlang lo tura zalenna a pek?

Pathian hnena i hlan ngai natna i vawn reng eng thil nge awm le?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...