_Pathianin Bahlahnate Dinchhuahlehnaa A Chantir Dan_
- Rick Warren
- Nov 06, 2023
_"Tupawhin tu chungah pawh thupawi nei ang ula indawh tawnin inngaidam tawn ula; Lalpa chuan a ngaidam che u ang tak khan ngaidam ve rawh u."_ (Kolossa 3:13)
Mi tam tak chuan Pathian hian a lawm lohna te pai rengin an ring ṭhin a. Vanramah kan tihsual changa, kan tihsual veleh a min hrem turin an ngai ṭhin.
Hetiang hi Pathian nihna dik tak chu a ni, _“Kei hi, keima tân liau liauva in bawhchhiatnate thâi botu ka ni a; In sualnate chu ka hre reng tawh lo vang."_ (Isaia 43:25). Pathian hian ngaihdam a duh, i sual ngaihdam nana a theih ang zawng zawng chu Krista kaltlangin a ti tawh.
Khawvel siam a nih hma pawhin Pathian chuan i sual ngaihdam nan Krista chu a buatsaih tawh. I tihsual tur zawng zawng pawh a hre vek. Engmah hriat lawk loh a nei lo! Pathian chuan i pian hma pawhin i thiamlohna zawng zawng ngaidam tur chein ruahmanna a siam tawh.
Chuvang chuan a ni Pathianin, _"Tûnah chuan tîsa duh zâwnga awm tawh lova, Krista Isuaa awma, Thlarau duhzâwnga kalte tân chuan thiam loh chan tûr rêng a awm tawh lo."_ ti a a lo sawi (Rom 8:1). Thiamloh chantirna chu Isua Krista'n kan tana a thiltih avangin tih bo a ni tawh. Khawngaihna avangin ngaihdamna phut let nei lo, famkim, nghet, chatuan daih min chantir tawh. Isua Krista min peksak a ni. Isua min pek chhandamna chu i pawm a nih chuan ngaihdam i ni tawh.
Ngaihdam i ni tih i inhriat rualin midangte ngaidam turin theihna leh chakna pek i ni.
Engtinnge chu chu i tih theih ang? _"Tupawhin tu chungah pawh thupawi nei ang ula indawh tawnin inngaidam tawn ula; Lalpa chuan a ngaidam che u ang tak khan ngaidam ve rawh u."_ (Kolossa 3:13).
Nangmah kha chiang takin inen la, hmelṭha lo, mahni hmasial leh sualna i hmu mai thei. Mahse a pawimawh zawk chu Pathianin engtinnge a hmuh che tih kha a ni. A thilsiam i ni a, a kutchhuak nalh ber leh a tana nunga midangte malsawm tura siam i ni.
Pathian thlirna mit aṭanga i en chuan amah chauhin a pek theih ngaihdamna i hmu ang. A ngaihdamna i pawm khan midangte ngaihdam theihna i nei ve ang.
Ngaihtuah zui atan.
Vawiin hian tuin nge i ngaihdamna mamawh le?
An thinlunga inthiam lohna an neih reng avangin tunge hliam tuar le? Isuan an sualte hliah khuhin a ngaidam duh a ni tih hrilhin engtinnge beiseina nei tura i hrilh theih ang?
Engvangin kan pek chhuah phal loh thil hi dawn pawh kan harsat ṭhin?
[Lettu: Mapuia Fanai]

No comments:
Post a Comment