Ni 50 Chhung Rinna
By Rick Warren
September 14, 2023
Hlawhchhamna hi a tawpna a ni ngai lo. I bansan hma chuan mi hlawhchham i ni ngai lo, bansan hrim hrim chu a hma mah mah ziah! Tu emaw ropuina chu a pianken thiamna emaw, a sum emaw, a zirna emaw chuan tehsak suh. A ropuina chu engtiang taka tihbeidawn harsa nge a nih tihah chuan teh zawk ang che.
I thiltum i bawhzui kawngah chuan eng tiang taka tihbeidawn harsa nge i nih? Thil hote i ṭhiante emaw i chhungte emawin “Thil dik niin ka hre lo” an tih mai mai chauh chu a ni thei.
Bible chuan Galatia 6:9 ah hetiang hian a sawi, “Thil ṭha tih i ning suh ang u, kan inthlahdah loh zawngin a hun takah kan la seng ngei dâwn e,” tiin.
Saddleback Church aṭang hian vawi eng zat nge ban ka duh i hre duh em? Thawhṭanni apiangin hetiang hian ka ngaihtuah ang, “Lalpa, nimin lama ka hnathawh aia ṭha khan mi tu emaw chuan a ti thei ang maw le ka ti ṭhin. He buaina hi keimah mimal tan chuan a lian lutuk a ni”
Mahse, Pathian chuan “Kal zel rawh” min ti niawm takin a lo ri ṭhin. A chang chuan a eng viau lo thei a, mahse bansan mai dan ka thiam lo. Kalsan mai dan chu ka thiam chuang lo.
Pathian chuan i rinna ang zelin i nunah hna a thawk ṭhin. Bible chuan “Rinna lo chuan Pathian tihlâwm rual a ni lo” [Hebrai 11: 6], “Eng pawh rinna lova tih chu sual a ni” [Rom 14:23], “In rin angin in chungah lo thleng rawh se,” [Matthaia 9: 29].
Rinna chuan eng thil nge i tih? I zing thawh apiangin he zawhna hi i inzawh a ngai ang, “Lalpa, vawiin hian rinna hmangin engnge ka tih ngai ang?” Chu chu zawhna pawimawh tak a ni – nitin rinna nena nun hman chuan Pathian a tilawm ṭhin.
I nunah khan thil tam tak nangmahin i thunun theih loh thil a awm. I nu leh pate kha i thlan an ni lo, i pian hun, i pianna hmun, eng chi emaw eng hnam emaw i nihna chu i thlan a ni lo. I thil thiam emaw i theihna emaw chu pek i nih ang kha a ni. I hmel lan dan kha i thlan a ni lo.
Mahse Pathian i thlan dan emaw i rin dan emaw chu i thunun theih piah lam a ni. Pathian chuan amah chettir tumtute chu a hmang thin, an tih tur bansan mai lotu, rinnaa daitute, hmathlir a pek um zuitute chu.
A ruahmanna tipuitling tura Pathian mi hman ang chi kha i ni em? A hmathlir i um zuina kawngah chuan eng mahin tihnual che suh se!
Ngaihtuah zui atan
I thiltum um zui turin miin engtin nge an tihnual che a, an paih chhuah che?
Chutiang dinhmun chu Pathian chuan engtiang takin nge hmachhawn turin a duh che?
Vawiin hian Pathian chuan rinnaa che turin a tih che?
[ *Lettu* : Peka]

No comments:
Post a Comment