Khawsakna Atana Thil Pawimawh
By Rick Warren
— September 1, 2023
I nun kha nghawng nei tura i duh chuan, i hun i thunun thiam hmasak a ngai ang. I hun chu i nun kha a ni. I hun kha awmze neia i hmang lo a nih chuan, hnuhma mumal tak hnutchhiah tur i nei thei lo vang.
Ephesi 5: 15-17 chuan, “Chutichuan, mi fing lote anga awm lovin mi fingte anga awm zawkin, in awm danah fimkhur rawh u; nite hi a ṭhat loh avangin remchannate lei zel rawh u. Chu mi avang chuan a duh suh ula, Lalpa duhzawng engnge ni tih lo hre zawk rawh u,” tiin a sawi.
Mitinten kar khat chhung darkar inang kan nei vek: darkar 168. Engtin nge chu chu i hman tih kha a pawimawh! I hun i khawhral a nih chuan, i nun i khawhral tihna a ni, a chhan chu i hun chu i nun kha a ni tel. Ngunthluk zetin han ngaihtuah teh, “Hei hi ka tan hun hman dan ṭha ber a ni em? Hei hi ka nun tana thil ṭha ber a ni em?” tiin.
Thil engkim tan hun i nei vek lo. Mahse thu lawmawm tak chu Pathian chuan thil engkim thawk turin a ti lo che. Chuvangin mahni inthiam lohna nei kher suh! A tak takah chuan tihtak tlaka chetna tur chu thil tlemte ah chauh a awm.
Sawt taka hna thawk thinte chuan mihring nuna thil pawimawh leh ṭangkai an hmu thiam thuai a, thil pawimawh lo zawk an kalkan thiam ṭhin. I nuna thil pawimawh lote chu vawilehkhatah i tibo vek thei lo vang, mahse i titlem hret hret thei.
He thu hi ho lam tak angin a lang thei, mihring nunah hian kan nun tana ṭha ber leh awlsam lai kan thlir thiam a ngai – a bik takin i chauh chang chuan. I chauh tawh chuan, thil ṭha ber tih chakna i nei lo vang. Thiltih awlsam ber chu i awn mai ang. Chuvang chuan, i nunah thil ropui eng emaw hnutchhiah i duh chuan chawlh hahdam dan i zir a ngai ang. I chawlh loh chuan, rilru, thinlung leh taksa chakna i mamawh a, hetiang hian I sawi thei lo hial ang, “Thil awlsam ber ni lovin’” tih chu thil dik a ni.
I nun kha khawhral mai mai suh la. A ṭha ber dawttu chu lungawipui mai suh. Hringnun chu paltlang satliah ngawt suh. Vaukama awm mai mai tura thlan chhuah i ni lo. Pathian chuan hmachhawp leh dam chhan neiin a siam che. He zawhna hian bul tan ila, “Ka thil tih mek hi keima tana thil ṭha ber a ni em?
Ngaihtuah zui atan.
I hun tam ber chu eng tihna atan nge i hman?
I damchhung hun atana i thutiam chuan i rawngbawlna zelah engtin nge a fuih kal che?
I zin hun leh awm dan chu sawi danglamin engtin nge hun tam zawk chawlh hahdamna atan i neih theih ang?
[ *Lettu* : Peka]

No comments:
Post a Comment