Friday, June 2, 2023

LEI LEH HUN A NI

 Khawvelah Ni 40

By Rick Warren

— June 02, 2023



“Ka unau duh takte u, hêng hi hre rawh u. Mi tinin ngaihthlâk lam uar sela, sawi lam chuh lovin dawh thei rawh se;  mihring thinurna hi Pathian felna tihlanna kawng a ni si lo. Chuvângin, thil tenawm chi tin leh sual tinrêng paih bo ula, in thinlunga Pathian thu tuh, chhandam thei che u chu, thuhnuairawlh takin pawm rawh u.” [Jakoba 1:19-21]


Lo neitute chuan thlai chi inang chiah kha hmun hrang ṭheuha i thlak chuan rah inang lo ṭheuh i thar tih an hria ang. Hmun pakhatah chuan tomato lian tak i thar mai thei. Hmun dangah chuan tomato te tak te i thar daih thei. A pathumnaah chuan, engmah i thar miah lo thei hial ang. Chu chu eng nge an danglamna? A chi-ah a ni lo; a leilung zawkah a ni. Lei chu thlai chi mila buatsaih a ngai. 


Chutiang chu Pathian Thu in hriat dan nen a inang. I thinlung chu Thu atan buatsaih a ngai. 


Kohhran inkhawmna chu a entirna remchang tak a ni. I tho tlai a nih chuan, i lirthei dahna thuah buaina i nei ang a, phili nuaiin biak in i pan ang, Pathian aw pawh i hriat theih loh phah hial ang! I thinlung chu Pathian Thu dawng turin a inbuatsaih hman tawh lovang. 


Chuvang tak chuan mi pahnihte chu inkhawmnaah kal rualin, ṭhu dunin, Pathian Thu ngaithlain thuchah sawi an ngaithla dun hial thei. Pakhat zawk chuan Pathian aw hriain a chhuak thei a, midang erawh chu chu inkhawmna aṭang chuan engmah dawng lovin a chhuak mai thei ang. Pakhat zawk thinlung chu a lo inbuatsaih lawk a, a dang zawk chu a lo inpeih lo a ni. 


Bible chuan, “Ka unau duh takte u, hêng hi hre rawh u. Mi tinin ngaihthlâk lam uar sela, sawi lam chuh lovin dawh thei rawh se;  mihring thinurna hi Pathian felna tihlanna kawng a ni si lo. Chuvângin, thil tenawm chi tin leh sual tinrêng paih bo ula, in thinlunga Pathian thu tuh, chhandam thei che u chu, thuhnuairawlh takin pawm rawh u,” tiin a sawi. [Jakoba 1:19-21]

 

Pathian Thuin min zirtir dan chuan Pathian Thu dawng tur chuan lo inbuatsaih lawk a ngai a, i rilruah thil pali a awm a ngai: 


*Ngawi rawh.* I ṭawng chuan Pathian aw i hre thei lo. 


*Hmanhmawh suh.* Pathian bulah i hmanhmawh thei lo. I phili ruai a nih chuan a aw i hre thei lo vang. Bible chuan, “Ngawi ula, Pathian ka ni tih hre rawh u” tiin a sawi a. Ka lehlin ve dan chuan, “Ṭhu ula, bengchheng suh u” tih a ni.  


*Thianghlim rawh u.* Pathian i hmuh hma chuan i sualte thupha i chawi a, a ngaihdam i dil hmasak a ngai. 


*Inngaitlawm rawh.* A thu atanga Pathianin ti tura a tih apiang che ti turin inpeih ang che. Thillung chapo chu khawi mah a thleng lovang. 


Pathian Thu zir tura i inbuatsaih leh hun chuan – Biak inah a ni emaw, i inah fianrial hun i hmang emaw a nih chuan – i thinlung buatsaihna hun hmang ang che. A danglamna chu mak i ti hial zawk ang!


Ngaihtuah zui atan. 


Engvangin nge Pathian aw hre tur chuan ngawi reng leh phili ruai lova awm chu a harsat em em ṭhin? 


Vawiin hian Pathian aw i hriatna tur daltu sual chu eng nge ni? 


Eng thil chin tharin nge nangmah leh i chhungte chu Pathian aw hre turin biak inah emaw hmun dangah emaw a ṭanpui theih ang che? 


[*Lettu*: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...