Ni 40 Chhung Pathian Thua
By Rick Warren
— June 09, 2023
“Vân sângte u, amah chu fak ula,
Vân chunga tuite u, amah chu fak rawh u.
Chûngho chuan Lalpa hming chu fak rawh se,
Ani chuan thu a pe a, siam an lo ni ta si a.
Thu a pêk ang ngeiin
An awmna tûr ṭheuhvah an awm ta reng a,
Kumkhua pawhin an insawn lo vang.” [Sam 148:4-6]
Ṭhenkhat chuan Bible chu science thiamna aṭanga teha dik famkim tawk lo angin an sawi. Chu mi chu a dik lo. Science an zir ngai lo a nih loh chuan Bible an zir ngai lo tihna a ni ang.
Pathian chuan science kalphungte chu a siam a, ngun takin Thu nena inperhsan lovin dan a siam.
Johannes Kepler-a, mathematician leh astronomer ropui khan vawi khat chu, “Science chuan Pathian ngaihtuahna a zui a ni” tiin a sawi. Ṭawngkam danga kan sawi dawn chuan Pathian chuan Physics dan te chu a zam a, keinin kan lo hmu chhuak ve mai a ni tiin.
Bible chu science zirlai bu ni tura ziak a ni lo. Rocket siam turin Bible chu in zir lo. Chubakah chuan Bible chuan science ṭawngkam a hmang lo. Mahse Bible chuan science chhe chi min pe lo! Dik tak chuan, science chu a hmakhalh ngar ngar zawk a ni.
Entir nan:
• Kum sang bi chhung kha mite chuan khawvel hi a phek niin an ngai a. Mahse Bible chuan kum 2600 liam taah khan Isaia 40: 22 ah chuan Pathian chu khawvel mum chungah lal anga a thut thu a sawi.
• Kum sang bi chhung chu mite chuan lei hi dotu eng emaw nei niin an ngai. Hindu hote chuan sai lianpuiin a phur niin an ngai a. Greek hote chuan Atlas chu niin an ngai thung. Aigupta mite chuan ban hrawl pui pui panga in a do niin an sawi. Mahse Bible chuan dotu eng emaw nei angin a sawi ve ngai lo.
• Kum sang bi chhung chu mite chuan arsite khi chhiar theih niin an ngai a. Jeremia 33: 22 thung chuan arsite khi chhiar hleih theih loh niin a sawi.
Bible chuan, “Vân sângte u, amah chu fak ula,
Vân chunga tuite u, amah chu fak rawh u.
Chûngho chuan Lalpa hming chu fak rawh se,
Ani chuan thu a pe a, siam an lo ni ta si a.
Thu a pêk ang ngeiin
An awmna tûr ṭheuhvah an awm ta reng a,
Kumkhua pawhin an insawn lo vang.” [Sam 148:4-6]
Science dan chu ni khat engtin emaw awmin a leh pekah a chawlhsan lem lo. An za vai chuan an che vel a – a chhan chu an dik a, Pathian siam an nih vang a ni.
Thutak chu a inthlak mai ngai lo.
Ngaihtuah zui atan.
Bible thusawi i kiang vela thil awmte chu engtianga dik nge an nih? Chutiang thutak chu vawiin hian zawn chhuah han tum teh.
Mi ṭhenkhatten science chu a dik tluantling lo an tih chang chuan engtianga chhan tur nge nia i hriat?
Bible chu science thiamna aṭang pawhin a dik a ni tih chu thil pawimawhah i ngai em? Eng vangin nge?
[ *Lettu* : Peka]

No comments:
Post a Comment