_Ni 40 Chhung Pathian Thuah_
- Rick Warren
- June 05, 2023
_"Thu hrilh lawk reng reng hi mihring thua chhuak a ni ngai si lo a, miten Thlarau Thianghlim tirhin Pathian hnen ata an sawi zawk ṭhin a ni."_ (2 Petera 1:21)
Khawvel chanchinah Bible hi lehkhabu chhiar hlawh ber a ni a. Lehkhabu hralh chhuah tam ber leh ṭawng hrang hranga lehlin tam ber a ni bawk.
Nimahsela chu mai chu a la ni lo fo. Pathian thu- Pathian thawk khum a ni. 2 Timothea 3:16-ah chuan heti hian kan hmu, _*Pathian Lehkha Thu zawng zawng hi Pathian thawk khuma pek a ni a, zirtir kawngah te, thiam loh chantir kawngah te, zilh kawngah te, felna zirtir kawngah te a sawt bawk a ni."_
A awmzia chu Bible hi lehkhabu ṭha naran a ni lo. Pathian Thu kan hnena lo thleng a ni. Bible dikzia leh rintlakzia kan hriat theihna tur chhan tam tak zinga pakhat chu hrilhlawkna sang chuang thleng dikte hi an ni. A dik alawm- Bible a hrilhlawknate hi a nihna ang taka thleng dik a awm bakah kan hma huna la thleng dik tur pawh a awm bawk a ni.
Isua chungchang sawi lawkna ringawt pawh hi Bible-ah hian 300 aia tam kan hmu- a pian hma kum sang khat hma lama hrilh lawk vek an ni. Bible-a Pathian mi kan hmuhten Isua pian tur thu te, a pianna hmun tur te, a pian dan turte an sawi lawk a ni. Chung hrilhlawkna thleng dik tur chuan a pian dan a tidanglam ngawt thei lo.
A thih dan pawh hrilhlawk a ni. Isua thih hma kum sangkhat hmalamah daih tawh khan Davidan Sam ziakah krawsa Isua thih tur thu a lo sawi tawh. "Khengbet" tih ṭawngkam chu a hmang lo, a hun laiah tumahin chu thu chu an hriat loh avangin. Rom-hoten mi khenbeh an chin hma daih tawhin Davidan a lo sawi tawh a ni.
Pathian chauhin a hria.
I chungchang thuah vawi zathum vhuang hrilhlawk ve vak ta ila chung zinga pakhat a thlen dik ve theihna tur chhan a awm em? Vanlam zirna nen inzawm ni a sawi anih avangin a zat pawh i ziak thei lovang. Bible-a hrilhlawknate hi Pathian ruahmanna a ni tih pawm mai ai hian hrilhlawkna lo thleng dikte hi hunin a her chhuahpui mai a ni tih pawm tur hian rinna nasa zawk neih a ngai.
Bible chuan heti hian min hrilh, _"Thu hrilh lawk reng reng hi mihring thua chhuak a ni ngai si lo a, miten Thlarau Thianghlim tirhin Pathian hnen ata an sawi zawk ṭhin a ni."_ (2 Petera 1:21)
Bible hun lai khan tuman zawlnei nih an duh lo. Israel danah chuan Pathian zawlnei chu englai pawhin a hrilhlawkna a dik tur a ni an ti tlat. Vawi khat chauh pawh i hrilhlawk dik loh chuan zawlnei der tiin an that ang che. Zawlnei chu a dik reng tur a ni!
Bible-a hrilhlawkna chu a vaiin a dik a ni. Bible-in a sawi lawkte a thlen dik zel avang hian Bible hi rintlak a ni.
Ngaihtuah zui atan.
Bible hrilhlawknate hi i nun nen inrem lo riau emaw pawimawh riau lo emawin i hria a ni mai thei. Engvangin nge Pathianin i zir a, i hriatthiam a i ngaihsak a duh i rin?
Bible hi a dik i ring em? Engtinnge rinhlelhna hian Pathianin i hnena a sawi tur hre thei lova a hriat che?
I nunah engtinnge Bible hi a ṭangkai? Mite fuih nan chauh em ni i hman, nge ni mite zilh nan, kawng dika hruai nan leh zirtir nan i hmang?
[Lettu: Mapuia Fanai]

No comments:
Post a Comment