_Malsawmna Dawng Nun Rahbi_
- Rick Warren
6th May, 2023
"Thu nem chuan invenna bang a tichim thin" Thufingte 25:15 (MSG)
Ngilneihna hian mi a lêm fo thin.
Sumdawnna lamah mi hlawhtling i nih chuan, he thudik chungchang hi chu i hre tawh ngei ang! Tunhma chuan hralh tla lo tak takte nasa taka fak chiam an ngai thin a. Mahse tunah chuan ngilneihna hi a thawk tha em em thin. Mi tam tak chuan an mi rin zawng takten an fakmawi hian thil an lei phah thin a. Thian rin ngam emaw, thil zuar rin ngamten nem tak leh dam taka thil an zawrh hian ring tak taka au vak vak ai chuan awmzia a nei fo zawk thin a ni.
Chu chu sumdawnna kawngah chauh a dik lo, kan hringnun kawng tinrengah a dik a ni.
Bible chuan hemi chungchang hi a sawi fo. Thufingte 25:15-ah chuan, "Thu nem chuan invenna bang a tichim thin" a ti. I chhungte zinga mi emaw i thawhpui tu emaw kha thil eng emaw chungchangah hneh i duh a, mahse inveng ru tlatin i hre thin em? Innawr vak aiin, thu nem zawk hian anmahni a hnehtir thei ngei zawk ang che.
Ka rawngbawlnaah hian ka thuhretu zawng zawngte hian Isua tan nun hmang thei se ka ti em em ṭhin a. Mahse chu chu dam takin ka tih a ngai a ni. Mipui hmaah ka ding a, ka ankhum vak vak mai chuan, min ngaihthlak loh hun a thleng mai ang. Mahse nem taka sawi erawh chuan mi a hneh thin.
Thufingte 25:15 hi a lehlin dan dangah chuan, "Tawngkam nem chuan mi luhlul pawh a hneh thin" (NCV) tiin a letling a. I tan chu chuan awmzia a nei em le? Nu leh pa emaw, zirtirtu emaw i nih chuan naupang hrawk hian awmzia a neih lohzia i hre chiang ang. Thinrimna leh beidawnna hian hlauhnate, mi dang ngaihtheihlohna te, inven rukna te a siam a. Eng nge chutah chuan hna thawk thei ber ang? Hmangaihna nena tawngkam nem a zilhhauna hi a ni.
He châng bawk lehlin dang leh chu, "Dawhtheihna leh tawngkam nemin roreltu a hneh theiin, buaina zawng zawng pawh a hneh thei" (Thufingte 25:15 CEV). Mi tam takte chuan 'roreltute' hunlai khawvelah kan cheng tawh lova. Mahse pi/pu emaw, enkawltu emaw, thuneihna eng emaw kan nunah a awm vek a. He lehlin hian, tawngkam nem nen heng thuneihtute zawng zawng hi an hneh thei thin a ni.
Bible chuan Thufingte 16:21-ah, "Mi fing, mi puitling chu a hriatthiamna ngah avangin hriat a ni a. A thu a ngainatawm poh leh, mi a hneh thin" (GNT).
He chângah hian, 'ngainatawm' leh 'mi hneh' tih a thlunzawm a. A hmasa zawk chu ngainatawm a nih a ngai thung a ni.
Ngainatawmna hi puitling nihna ze pakhat a ni a. Mi mawl chu an thinchhiain, an ngainatawm loh a. I fin a, i puitlin deuh deuhin, i thusawi pawh a ngainatawmin a tha lam hawi a ni tulh tulh ang.
Hei hi hre reng la: mi dang tauh ching i nih chuan mi i hneh ngai lovang. Nem tak erawh chuan mi a hneh thei thin a ni.
Ngaihtuah zui atan...
Eng hunah nge mi dang laka nunnem aia nelawm loh i chhuah thin? Eng nge a rah?
Engtin nge mi dang nun nemna hian thil eng emaw ti tura a hneh dan che?
Tunge nunnem tih i hriat? An nun atangin eng nge i zir theih?
(Lettu: Msa)

No comments:
Post a Comment