Friday, March 3, 2023

HMUN AWL CHUAN BUAINA HMACHHAWN TURIN A BUATSAIH CHE

 _Hringnun I Nunchhuahpui Ngei Tur_ 

By Rick Warren

March 3, 2023


“Mi hmanghria chuan thil ṭha lo

chu a hmuhin a biru ṭhîn a;

Mi mâwl erawh chuan a tâwn

mai ṭhîn a, a tuar phah ṭhîn.” [Thufingte 22:3]

I nunah hmun awl i mamawh, a chhan chu engtik ni emawah chuan harsatna i tawk ngei ngei dawn – tichuan chu hmun awl chuan chu buaina hmachhawn tur chuan hmun awl a siamsak ang che. 

Ruahmanna chu an ṭha e. Bible chuan ruahmanna nei turin min rawn a; ruahmanna chuan kawng dikah a hruai che. Mahse eng mah hi duhthusam leh ruahman ang thlap chuan a kal fel ngai lo, kawng rualrem lo zawh tura i inbuatsaih lo a nih chuan buaina lian tak i la hmachhawn ngei ang.  

Kum eng emawzat liam taah khan, ka nupui hi ruahman lawkna nei miah lova zin khawthawn puiah ka sawm a. A hun lai chuan ka nun pumpui chu hmachhawp duan lawknain a khat tlat a ni, hun awl ka nei miah lo. Keimah chuan ka ruahmannah chuan zin khawthawn chu mumal taka ka telh ngai niin ka hria.  

Thurawn ka pe ta a, “Ka fate hi kan lirtheiah dah lut rawih ila i tlan ngawt teh ang! Zin khawthawnna a ni mai dawn alawm!” ka ti ta a. 

Ngaihdan ṭha tak ni maiin a lang a. Kan lirthei lian deuhah chuan kan fate chu dahin thlaler lam hawi chuan kan han tlan ding nghal thawr mai a, kalna tur lam pawh ngaihtuah lo chuan. Kay-i chuan kan chhungkaw vahkhawthawnna danglam bik niin a sawi. 

Colorado-a, Durungo kan thlen zan chuan lirthei chhungah kan riah mai a ngai, a chhan chu khualbuk zawng zawng an khat vek a ni. 

A zan hnihnaah chuan Denver lam kan pan a, khual thlenna in ruak pakhat pawh a lo awm chuang lo. Engtin nge an intihhlimna chungchang chu ka hriat tak ang? Khual buk zawng zawng chu a kara kar atan an lo hauh lawk vek tawh. Kan lirtheiah bawk chuan kan riak leh ta a. 

A zan thumnaa kan riahna chu lithei hlui dahkhawmna niin tuialhthei lakna hnaivai aṭanga an enkawl a lo ni a. Chu kan riahna lirthei hnuh chi chu a kuma kum chuang tihfai loh leh sil loh an lo ni. A puanzar chu zar mumal theih a ni tawh lo va, thosi chu darthalang keh aṭang chuan a lo vi chhen a, chukchu ṭhenkhat chuan min lo zar chhen bawk. 

Kan zin khawthawnnaa a zan tawp thleng chuan kan buai zui – Las Vegas-a pindan bengchheng leh khu zeta mi ṭhenkhatten an pindan an chhuahsan chu luh vel nghal tuma kan awm thleng chuan chutiang vel chu a ni. 

Zinkhawthawn dan mak tak chu a va ni em!

Bible chuan thil ngaihtuah lawk chu finna a ni tiin a sawi. Thufingte 22: 3 chuan hetiangin a sawi, “ _Mi hmanghria chuan thil ṭha lo chu a hmuhin a biru ṭhîn a; Mi mâwl erawh chuan a tâwn mai ṭhîn a, a tuar phah ṭhîn_ .” [Thufingte 22:3]

Chu chang chu kan zin chhuah hma khan engah nge ka hmuh loh? Thil awmzia hre turin min pui dawn asin mawle, a chhan chu ka nunah hian hun awl ka mamawh a ni, zin khawthawn holam te pawh ruahman lawk thei lo tur khawpin ka buai a ni. 

Ka thilsual ang khian tisual ve tawh suh. I nunah khan hun awl/hmun awl insiam la tichuan hmun awl leh thlirna mumal tak i hmabaka buaina awm thei chu thlir thiamin ruahmanna i siam thei ang. 

Ngaihtuah zui atan. 

Hun thawl ṭha chuan engtin nge buaina awm thei tur ruahmanna ṭha tak nen a hmachhawntir che? 

Buaina awm thei i hmuh thiam chuan engtin nge ruahmanna ṭha zawk nen i lo hmuah ang? 

He khawvel i nun i hmanna hmunah hian eng vangin nge Pathian chuan buaina i hmachhawn a phal?  

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...