_Pathian Thatna Hnuaia Nun Dan_
- Rick Warren
4/2/2023
Tawngtaina thenkhat chu chhan nghal a ni a, thenkhat chuan chawlhkar khatte, thla te, kum hial pawh a ngai thin. Hei chu i hrechiang viau awm e. Mahse thu lawmawm tak a awm: Pathian chhanna nghaka i tawngtai lai hian, kawng dang zawnga i zir theih loh thil i zir dawn a ni.
Nghah mek lai hian malsawmna a thleng thin. I duh apiang engpawh i neih nghal zel hian mahni lamah kan inzir chian phah thin hi malsawmna a ni ve reng a ni.
Thil pawimawh tak tak pahnih ka dilte tan khan, pakhat zawk chhanna atan Pathianin kum 13 a hmang a, a dang kha kum 25-ah a chhang a ni. Mahse a chhang chiang a ni! Khang hun lai khan ka tan chuan tawngtaina pawimawh ber ber a ni a. Engvanga hun la rei em em nge a nih ang le? A chhan chu tawngtaia ka ṭan em em lai khan, Lalpa chu keima lamah a lo thawk ve mek a ni.
Mei i kaltlang laiin, engvanga kaltlang ngai nge i nih i ngaihtuah ngai em le? Fiahna leh tihthianghlimna a ni. Thil eng emaw tana i tawngtai nasat khan, mahni tilangfiahtu fiahna i hmachhawn a ni.
Pathian chuan Zakaria 13:9-ah, "Meiin ka fiah anga, tangkaraw thianghlim angin ka ti thianghlim ang" a ti.
Rangkachak chu a chhuanna belah dahin, a bawlhhlawh a kan ral hma chuan an tisa thin. Engtin nge chutiang siam thin tute chuan rangkachak leh tangkarua chu a thianghlim tih an hriat le? Chungah chuan fiah taka an hlimthla an zuk inhmuh theih hunah khan a ni.
I nuna bawlhhlawh kanfai a nih khan Pathian chuan i nunah a inhmu thei dawn a, mei nasa tak i paltlang hnu khan. Fiahna leh tihthianghlimna a thlen hnuah, "Ka hming an lam anga, ka lo chhang ang" a ti a ni (Zak 13:9).
Fiah hnuah tawngtai chhanna a thleng thin a. Malsawmna thlen hma hian fiahna a awm zel thin. Pathian chuan hlawhtlinna pek tlaka a ngaih hma chein a ti hah hmasa thin che a. Chu chu tawngtai fan fan dan nihphung pawh a ni chiah a ni.
Pathian chuan mal a sawm hma chein a fiah che anga. Chu a fiahna cheah chuan, nangma chungchangah thil tam tak i zir dawn a ni. Tawngtai i bansan chuan, Isua i an theihna tura i zir turte i zir thei ngai lovang.
Nitinin tawngtai fan fan la. Fiahna hnuah malsawmna a thleng thin tih hre reng ang che.
Ngaihtuah zui atan...
Pathianin i tawngtaina a chhan hmain fiahna meipui a kaltlangtir thin lai che ngaihtuah let la. Chumi hmang chuan engtin nge i thanlen le?
Eng vangin nge Isua i lo an deuh deuh hi a pawimawh?
Engtin nge Pathianin tunah a fiah mek che? Tawngtai fan fan turin vawiinah eng nge i tih ang le?
(Lettu: Msa)

No comments:
Post a Comment