Thursday, January 5, 2023

PATHIANIN CHAWL TURIN A DUH CHE

 Pathian Ṭhatnaa Nun Hman

By Rick Warren

January 5, 2023


“Ani chuan hlobet hring dup hmunahte min chawlhtîr a, Chawlhna tui kamahte chuan min hruai ṭhîn.” [Sam 23:2]

Buai leh hmanhlel em em in i awm ṭhin em? Thil tih tum i inruahmante chu an tam viau em? Mi pakhat aia tamin kal muang turin an chah tawh ngai che em? I chawlh hahdam chang chuan inthiam lohna i nei ṭhin em? Chawl hahdam turin i dam loh hun kher i nghak ṭhin em?  

Tunlai huna Khawtlang kalphung chuan kal turin min nawr ngat ngat zel a ni. Mi tam tak chu an chawlhni pawhin hna an thawk hial. Ṭhenkhat phei chu inkhawm banahte pawh anmahni in lama haw tlang lovin an hnathawhna lamah an kual mai zel [in lam hna emaw, school hmabak emaw, eizawnna kaihhnawih a ni thei] hun pangngaia an thawh hman loh an thawk mai zel. 

Kan chau tawngkhawng pawh hi thilmak a ni hran lo ve! Chu chu Berampu Ṭhain thil a tih ve dan erawh a ni lo. 

Sam 23: 2 chuan hetiang hian a sawi, “Ani chuan hlobet hring dup hmunahte min chawlhtîr a, Chawlhna tui kamahte chuan min hruai ṭhîn,” tiin. 

Pathian chuan hlobet hring dup hmunah a bawhtir ṭhin che a – chu chu chawlhna a ni. Chawlhna tui kamah a hruai ṭhin che a – chu chu hahdamna a ni. 

Pathian chuan a ṭhatna avang liau liauin chawlhna a siam a, chu chu hnathawh ang maia pawimawh niin a ngai. Berampu hmangaihna ngah tak chuan a beramte chuan chawlh hahdamna mumal neiin an hrisel ngei a duh a. Chu chu Pathianah pawh a inang chiah, i tana Berampu Ṭha chu. I bawk lo a nih chuan Pathian chuan a bawhtir ang che. A chang chuan Pathian lam thlir chhoh dan awm chhun chu zangthala mut diai diai chu a ni thei. Chutianga a tih chhan chu i taksa, rilru leh thlarau hriselna a ngaih pawimawh vang a ni. 

Zana hahdam taka mut hnua mihringte kan thar sawt dan hi i lo chhut ve tawh ngai em? Harsatna leh hahdamna danglamna chu chawlh a ni fo. 

I lungngaihna, hmanhmawhna, phili-na and chawlh theih lohna chu Pathian ṭhatna i nuna i hriat thiam lohna vang a ni fo. Pathianin hna a thawhsak che chu i hriatthiam a, hmalam hun atana tihsak che a tiam che chu i hriatfiah chuan nakin hunah chuan chawlh hahdam, thil ṭul lo kalsan, leh chawlh hahdam i thiam tawh ang. 

Pathian ṭhatna ah chuan i khawsa thei ang. 

Ngaihtuah zui atan. 

Chawlh hahdam leh ei in chu mi zawng zawng ngaihah an danglam ang. Engin nge chawlhtirin emaw engin nge tichak che? 

Eng vangin nge hnam nunphung tam berah chuan hleihluak taka hnathawh chu an ngaihsan em em ni ang? 

Engtiangin nge i hnathawh dan leh beiseina chu thlakin chawlhna mumal zawk i hman theih ang? 

 *Pathiana chawlhna chu chang turin i inpeih tawh em?* 

Chawlhna channa kawnga rahbi pawimawh ber chu Isua Lal leh Chhandamtua pawm chu a ni. He ṭawngṭaina holam te hmang hian bul i ṭan thei ang: 

“Lalpa duhtak, ka sualnain i lak aṭanga min tihhran reng mai hi ka duh tawh love. I thutiamah chuan Isua Krista ka rin chuan, ka thil lo tihsual tawh zawng zawngte chu ngaihdam ka nih tur thu min hrilh a, tichuan ka nun awmzia chu min kawhhmuh ang a, i chhungte zingah engtik ni emawah chuan vanramah min lo la lawm ang chatuan atan. 

“Isu, ka sualte thupha ka chawi a, ka chhandamtu i ni tih ka pwm e. Chhandamna chu khawngaihna kaltlangin a ni i tih kha ka ring a, rinnain, ka thil tih engmah ni lovin. Ka nunah hian ka Lalpa ni turin ka ngen a che. Vawiin hian, ka nunna ka hlan e. 

“Min siam ang taka nun hman ka duh a – muanna leh chawlh hahdamna neiin – ka nun hmabak zawng i rawngbawlna atana hmang turin. Isua hmingin ka dil a che. Amen.” 

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...