_Pathian Thatna Hnuaia Nun Dan_
- Rick Warren
Jan 9, 2023
"Zing takah in tho va, tlai takah in chawl a, thawhrimna chaw in ei thin hi, in tan a thlawn mai a ni: Hetiang hian a mi duh tak chu a muthilhtir thin a ni." Sam 127:2
Beram hian bawh hi an duh vak lo tih i hre tawh em? Mite pawh hi chutiang chu an ni thin. Muangtê a kal i thiam loh chuan, Pathianin a la bawhtir hial ang che.
Pathian duh dana nun hman awmzia chu, hahdamna atana hun hman thiam hi a ni. Nun dan dik a ni mai lo va, nun dan hrisel a ni bawk a ni.
Sam 127:2-ah chuan, "Zing takah in tho va, tlai takah in chawl a, thawhrimna chaw in ei thin hi, in tan a thlawn mai a ni: Hetiang hian a mi duh tak chu a muthilhtir thin a ni" a ti.
Pathian chuan vahvel nante, i hmalam herkawi nan te theihna a pe che a. Awm mawhna hian taksa, rilru leh thlarauah chauhna a thlen thin. Mutthilh mai piah lamah chungte tan chuan i mamawh a ni.
Hebrai tawnga Pathian hming pakhat chu Jehova Shalom tih hi a ni, chumi awmzia chu "Muanna Pathian ka ni" tihna a ni. Isua khan Johana 14:27-ah khan, “Thlamuanna ka hnutchhiah a che u; keima thlamuanna ka pe a che u; khawvelin a pek angin ka pek loh che u hi. In thinlung mangang suh se, hlauh pawh hlau suh se" a ti a.
Pathianin muanna thilpek ka pe che a tih chuan a ti takzet a ni. I thawhchhuah tur pawh a ni lo. I phu reng vang pawh a ni hek lo. I va dil ngawih ngawih pawh a ni lo va. Thilpek i lo pawm mai tur, i tan vawiin thlenga la awm reng chu a ni zawk.
Isuan a sawi dan kha hetiang hian han sawichhawng ila, "I hah em? I chau em? Sakhuanaah hian i hah hle tawh em? Ka hnenah lo kal rawh. Ka rual hian lo kal daih la, i nun i siamtha ang. Chawlhna tak tak ka kawhhmuh ang che. Ka kiangah han kal la, ka rualin han thawk la - ka tihdan hi han zir teh le. Khawngaihna hi tumluih chiam loh zir la. Thil rit engmah ka dah lo vang chia, i mil loh thil engmah ka dah lo vang che. Ka kiangah awm reng la, zalen tak leh zangkhai taka nun dan i zir dawn nia" (Mat. 11:28-30) a ti a ni.
Isua chuan i zui a nih chuan i phur a tizang ang a ti a. A thutiamah chuan i chawl thei a ni.
Ngaihtuah zui atan...
Pathian thlamuanna hian harsatna tel lohna a kawk lova. Harsatna karah pawh muanna chu engtin nge a neih theih ang le?
Vawiin hian han mut chawlh zawk kha thil rau taka i tih theih pakhat a ni hial ang. Chawlh i mamawh, nei thei si lo va vawng tlattu che kha eng nge ni le?
Pathian hnenah chuan a chuang aliama hna i thawh vak vak chhan kha han sawi la. Tichuan rilru hahna aiin hriselna i chhar ngei ang le.
(Lettu: Msa)

No comments:
Post a Comment