Thursday, December 22, 2022

ISUA INHLANNA CHU MITIN TAN A NI*

 Ngai ru! Chanchin Tha ber chu

By Rick Warren

December 22, 2022


“Pathian pakhat chauh a awm a, Pathian leh mihring inkârah palai pakhat chauh a awm bawk, mihring Krista Isua chu. Mi zawng zawng tlan nân ani chu a inpe a, chhandamna thu chu hun a tih takah a rawn puang ta.” [1 Timothy 2:5-6]

Mari leh Josepha-ten nausen Isua tempul-a hlan tura an hruai lai khan putar pakhat Simeon-a chu a lo awm ve a. Simeon-a chuan a damchhung hun zawng zawng chu Messiah nghah nan a lo hmang tawh a ni. Isua chu en zawk pahin hetiang hian a sawi, “I chhandamna mitin hmuha i siam kha, ka mit hian a hmu ta e. Jentail-te hnêna i êng tilang tûr leh i mi Israel-te ropuina tûr chu,” tiin. [Luka 2: 30-32]

Isua chu mitinte tana thilpek a ni a – Krismas-ah ngawt ni lovin sual avanga hremna man kraws-a a pek tlak lai ngei pawh khan. Bible chuan 1 Timothea 2: 5-6 ah hetiangin a sawi, “Pathian pakhat chauh a awm a, Pathian leh mihring inkârah palai pakhat chauh a awm bawk, mihring Krista Isua chu. Mi zawng zawng tlan nân ani chu a inpe a, chhandamna thu chu hun a tih takah a rawn puang ta.” [1 Timothy 2:5-6]

Ni khat chu Baptistu Johanan mite Jordan Luia a baptize lai chuan Isua ngei pawh chu baptist turin a lo kal ve a. Hei hi thil awm dan chu a ni: A tûkah chuan Johanan Isua amah a rawn panin a hmu a, “En teh u, Pathian Berâmno, khawvêl sual la botu saw.” [Johana 1: 29]

Kraws tel lo chuan – Isua Pathian Beram no tel lo chuan – Krismas chuan hlutna engmah a nei lo. Isua khan kan sual avanga a thi lo a nih chuan zirtirtu ṭha tak pakhat a ni mai ang a, a nih loh leh philosopher suangtuahna ṭha tak nei mai a ni ang. Hun kal tawh pumpuiah khan zirtirtu ṭha tak tak leh mi ropui tak takte chuan an ngaihdan ropui tak takte chu an lo sawi chhuak tawh a – mahse chungte chuan engtin mah an chhanchhuak thei lo che u. Chhandamtu neih theih dan awm chhun chu i aiawha thih huamtu neih chu a ni. 

Kum 2013 khan, ka nupui, Kay-i nen chuan kan fapa naupang ber a damchhung huna rilru lam harsatna buan ngar ngartu chu kan chan a. Chu lusunna hun thim tak kar Matthew-a thihna thla khat lekah chuan ka thinlungah Pathian chuan fapa chan hrehawmzia a hria tih hi a awm tlat. A Fapa neih chhun chu chhandamna kan chan theihnan a rawn tir a nih kha. Chu thutak chuan ka natna hmunah pawh beiseina min siamsaktu a ni.  

Chu ngei chu i beiseina ni ve se, Isua an chhandamtua pawmtu apiangte beiseina ni bawk rawh se. Isua chhandamna chu mitin tan a ni. 

“Tichuan, a nungte chu anmahni tâna nung tawh lovin, an tâna thi-a tholeh atân an nun tawh zâwk nân, mi zawng zawng tân a thi a ni.” [2 Corinthians 5:15].

Ngaihtuah zui atan. 

Krismas lai hian Isua kraws-a a inhlanna ngaihtuahna atan i lo hmang ve tawh em? Eng vangin nge?   

Lusunna leh hun harsa i tawh changin Krismasin beiseina min pek chuan i lo inthlamuan ve tawh em? 

Isua thihna leh thawhlehna chu mitin tan a ni. Engvangin nge chu thutak hriatna chuan Krismas i lawm dan chu a thlak danglam ang? 

*Pathianin Chhandamna thilthlawnpek a pek chu i dawng dawn em?* 

Krismas chu nausen Isua pianna a ni satliah ngawt lo. Isua a lo ṭhang lian zel a, i sual tlanna atana a thihna chu a tel. Bible chuan hetiang hian a sawi, “Rinna avanga khawngaihnaa chhandam in ni; nangmahni thawh chhuah a ni lo a, Pathian thilpek a ni; thiltih avang a ni lo e, chutilochuan miin an chhuang dah ang e" tiin [Ephesians 2:8-9]

He Krismas hunah hian chu thilpek chu dawng tura I inpeih a nih chuan, he thu hmang hian tawngtai ang che: 

“Lalpa duh tak, misual ka ni tih ka pawm a, i ngaihdamna ka dil a. Isua chu i Fapa a ni tih ka pawm e. Ka sualna avangin a thi a ni tih ka ring a, i kaitho leh a ni tih ka ring bawk. Isu, ka chhandamtu atan ka pawm duh che a, ka Lal nia vawiin ni aṭanga zui tur chein ka inpeih e. Ka nun hi hruai la, i duhzawng tih min zirtir ang che. Isua hmingin ka dil e. Amen.”   

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 

[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...