Pathian Thatna Hnuaia Nun
By Rick Warren
December 30, 2022
“Mi nung ramah hian Lalpa
ṭhatna hmuh inring suh ila
chuan ka chau tawh tûr a ni.
Lalpa chu nghâk reng rawh;
Chak takin awm la, i thinlung
chu intihuai rawh se;
A ni, Lalpa chu nghâk reng rawh.”
[Sam 27:13-14]
Pathian chuan thil ṭha chauh i tan a ruahman. Ruahmanna ṭha lo chu a nei lova, a nei ngai bawk lo hial ang.
Chuti chung chuan, mi tam tak chuan an tana Pathian hmathlir chu an hmaih tho zel, Pathian an rin loh avang chuan. Anmahni ruahmanna zawk an zui daih a, chu chuan beidawnna leh thinrimnaah a hruai lut ṭhin.
Pathian ṭhatna i hriat thuk ang zelin beiseina i lo nei tam deuh deuh ang – a chhan chu beiseina chuan Pathian ṭhatna a thlir ngar ngar a ni. Beiseina dik tak i neih chhan chu Pathian that vang chu a ni; Pathian ṭhatna tel lo chuan, beiseina awmze nei a neih theih loh.
Lal Davida chuan Sam 27: 13-14-ah chuan hetiang hian a sawi, “Mi nung ramah hian Lalpa ṭhatna hmuh inring suh ila chuan ka chau tawh tûr a ni. Lalpa chu nghâk reng rawh; Chak takin awm la, i thinlung chu intihuai rawh se; A ni, Lalpa chu nghâk reng rawh,” tiin.
Pathianin a thawhsak apiang che chu, nangmah kaltlanga a thawh apiang, nangmaha a thawh chhan chu Ama ṭhatna vang a ni. I nuna Pathian thatna chu nangma thatnaa innghat a ni ngai lova, Pathian mizia zawka innghat chu a ni, nangmah i ni lo.
Beidawnna, rinhlelhna emaw hnualna emaw chu inhmachhawn mek em? Chutiang a nih chuan, i harsatna aṭang chuan i mit chu la sawn ang che – I duh chuan indawta remin i ziak chhuak thei ang! I thil lo neih tawhte chu mak i ti hial zawk awm mang e, chu chuan i hmalam hunah engti takin emaw a la buatsaih ang che.
Jeremiah 29: 11 chuan hetiang hian a sawi, “In tâna ka remruat chu keimah chauhvin ka hria,’ tih hi LALPA thu chhuak a ni. ‘Chhiatna ni lo, thil ṭha in beisei chu in chan theih nân ka ruahman a ni,” tiin.
I nuna Pathian ṭhatna chu engtiangin nge a awm? A malsawm chhawmdawlna, inbuktawk, insiamremna, hruaina, inrintawkna, hriat chianna, inhnehna, rochun – a dang tam tak nen. Heng zawng zawngte hi a fate tan chuan a buatsaih a ni a zahngaihna leh a ṭhatna avang chuan.
Chu chuan beiseina min pe – vawiin hian nangmah ngei pawh beiseina a pe thei ang che.
Ngaihtuah zui atan.
Pathian ṭhatna chu i mizia ni lovin a mizia zawka innghat a ni tih hriatna chuan engtiang takin nge zalenna a pek che?
Hun harsaa Pathian chhanchhuahna i nghah lai mek chuan eng nge i lo tih ang? Engtin nge huaisenna chu i lo neih theih ang hun harsaa Pathian rin tuma ke i pen lai chuan?
Engtin nge Pathian ṭhatna chu chiang zawkin i lo hmelhriat thar zel theih ang?
Krista chu i nunah i lo la sawm ngai lova, a ṭhatna chu i la tem ngai lo a nih chuan he ṭawngṭaina hmang hian bul ṭan ang che: “Lalpa duhtak, Isua Krista chu i Fapa a ni tih ka pawm a. Ka sual a ni tih hi ka pawm bawk, i ngaihdamna ka rawn dil a ni. Isua chu ka sualte min lakbo sak turin a thi a, i kaitho leh a ni tih ka ring bawk. Isua chu min Chhandamtu a ni tih ka pawm a, ka Lal a nih anga zui ka duh bawk vawiin aṭang hian. Ka nun hi hruaiin i duhzawng tih min zirtir ang che. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[*Lettu*: Peka]

No comments:
Post a Comment