Friday, November 18, 2022

THU FING CHUAN INLAICHINNA A SIAM

 Nun duhawm zawk nei tura inbuatsaih dan

By Rick Warren

November 18, 2022


“Ṭawng mawi lo rêng rêng hmang suh u, mi siam ṭha thei tûr chauh in ka aṭangin chhuak rawh se; chutichuan, a ngaithlatute tân a lâwmawm bawk ang.” [Ephesi 4:29]

In chhungkua, nupa nun, zirna in, hnathawhna, inlaichinnaah thil siam ṭhat i duh a nih chuan mite i biak dan chuan thil engkim a tidanglam vek thei tih hria ang che. 

Nehemiah khan Lal Artazerzia-a no hlantu dinhmun kalsan a, Jerusalema kulh bang din ṭha tura a kal khan, mite dinhmun a hriat thiam a ngai tih a hria. A hmachhawpah khan mite nena thawhhona ṭha tak nei tur chuan anmahni anga thu a sawi a ngai a, pawn lam mi angin a awm thiang lo tih a hria. 

Bible chuan, “An hnênah chuan heti hian ka han ti ta a: “Jerusalem kulh chu a chhe vek a, kawngkhârte lah a kâng zo va, thil ṭha lo tinrêngin min tlâkbuak ta a nih hi. Khawpui kulh hi i siam ṭha ang u khai. Heti taka nuihzatbûr hi kan ni dâwn lo nia,” ka ti a” tiin a sawi [Nehemiah 2: 17].

Nehemiah khan “keimah” ti lovin “keini” tiin a sawi. “Keimah” ti lovin “keimahni” tiin a sawi. Chung ṭawngkamte chu engvangin nge a hman? Inlaichinna ṭha a siam a ni. Thil kawk kual vel mai maiin, “Vawiin hian ka siam ṭha dawn che u a, engkim ka siam ṭha ang, a chhan chu nangni ho hian hnawknuaia khawsak pawh pawi in ti lo,” a ti lo. Chu aiah chuan, “Hei hi kan buaina chu a ni. Tichuan, ṭanghovin kan hlawhtling thei ang Pathian kan hnena a awm avangin” tiin a sawi.  

Hruaitu ropui chuan duhthusam an neih chuan, mi an huikhawm ṭhin. Chu chu hruaitu Nihna awmzia chu a ni. Hruaitu ropui chu lo langin mi an mawhpuh chiam ngai lo. An mawhphurhna chin chu an pawm mai zel.  

I nunah khan a chang chuan harsatna i tawh ṭhin ang a, buaina chu i duh chuan i chengfel thei ang a, i duh chuan midang i mawhpuh ang. Midang i mawhpuh chang apiangin anmahnia phurna chu i tidal tihna a ni. Chutiang ni lo va, a chinfelna lam i chhawp chhuah chang apiangin miteah beiseina i siamsak tihna a ni. 

Ephesi 4: 29 chuan hetiang hian a sawi, “Ṭawng mawi lo rêng rêng hmang suh u, mi siam ṭha thei tûr chauh in ka aṭangin chhuak rawh se; chutichuan, a ngaithlatute tân a lâwmawm bawk ang,” tiin. 

Mite i thusawi hmanga i hruai khawm chang leh an thil tih duh ve ngar ngar tum hlen chhuak tura i tanpui chang chuan thil ropui a thleng ṭhin.  

Ngaihtuah zui atan. 

Nitina ṭawngkam hman tlanglawn “keini” tih leh “kan” tih ṭawngkam hman tam chu eng tiangin nge a hlawk thlak zawk? 

Engtik laiin nge Pathian chuan “thawhhona” tih chu hnathawhna, zirna in, khawtlang, in chhungah te chuan suangtuahna/duhthusam tih hlawhtlinna hmanrua atan a hman? 

Sam 3:3 chhiar la. He thuah hian thawhpui turte dina hma i lak lai leh suangtuahna/duhthusam hlen chhuah tuma i kal lai a, nangmah hnuh hniam tumtute i tawn si chang chuan eng ang in eng ang thlamuanna nge i lo chhar ve han sawi teh. 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...