Sunday, November 20, 2022

ENG VANGIN NGE I BEISEINA CHUAN HUN DIK A MAMAWH

 Nun duhawm zawk nei tura inbuatsaih dan

By Rick Warren

November 17, 2022



“Thil tinrêng hian nîngkhâwng a nei si ṭhîn a, mihring buaina chu a tân nasa hle mah se.” [Thuhriltu 8:6]


Pathianin i thinlungah beiseina a dahsak che chuan, chu thil nei tur chuan i chet vut vut a ngai kher lo. Bible chuan, ““Thil tinrêng hian nîngkhâwng a nei si ṭhîn a, mihring buaina chu a tân nasa hle mah se,” tiin a sawi. [Thuhriltu 8:6]


Baseball vawmtu chuan ball chet vel dan kimchang a hre ṭhin. Ball vawmtu chuan ball mum ounce 5 vela rit chu feet 60 vel atang chuan hmun ngai deuh thawhah a vawm reng thei. Inkhel thiam tak tak leh infiammi satliah an danglamna chu an chet chhuah hun thuah chuan a ni. Ball vawmtu chet dan chu an chak leh chak loh hriltu a ni thei. 


Hun bi vawn dik thu chu Nehemiah 2 an kan hmu. Nehemia khan hun bi dik leh dik lo Jerusalem sak ṭhat leh sak ṭhat loh hriltu a ni thei tih a hria. Khuaah khan ropui taka lutin, puanzar leh tawtawrawtte nen a ri chul thei a, “Vawiin hian in buaina ka chingfel dawn e” tiin a tlangau chiam thei bawk. 


Chutianga ti lo chuan Nehemiah thung chuan, ngawi rengin ni thum chhung chu Jerusalemah khan a awm a ni. Chung ni thum chhung chuan engnge a tih le? Amah kha ṭawngṭai mi a nih avangin a ṭawngṭai mawlh mawlh ang tih a rin theih. Thil mumal taka ruahman chi a ni bawk, chuvang chuan thil en thlithlaiin, mite thusawi ngaithlain, mahni inzirin a hun a hmang ang.  


Hun dik ber pakhat chungchang chu Isua nunah khan kan hmu. A hun kha sawisel bo a ni. “Ka hun a la thleng lo” tih thute kha vawi duai lo a sawi a ni. A nuin inneihnaa thilmak ti tura a hrilh khan a nu kiangah chu thu chu a sawi a. A unauten a thiltih hmanga khawvela inpuang tura an hrilh lai khan chu thu chu a lo sawi tawh bawk.  


Pathian pawhin a Fapa he khawvela lo tirhna atan, kum sang chuang fe a lo nghak tawh. Bible chuan “A hun tak a lo thlen meuh chuan Pathianin a Fapa chu a rawn tîr a. Ani chu Dân hnuaia awmte min tlan tûr leh fapa dinhmuna min dintîr tûrin, hmeichhe laka piangin Dân hnuaiah a rawn seilentîr a” [Galatians 4:4-5].


Pathianin Isua a rawn tirh chhan kha a hun lai chuan kan hre lo, mahse a rawn tirh hun kha hun dik tak a ni tih kan hria. 


Chu chu Pathianin beiseina a pek che thuhlaah pawh a dik. A hun ruatah chuan innghat rawh. A hun bi chu tunah chuan hmufiahin hre thiam rih lo mah la, a hun ruat chu sawiselbo a ni tih pawm ang che. 


Ngaihtuah zui atan. 


Ngaihdan ṭha tak pawh a hun bi a dik loh avanga a chhiat vek thu i hre tawh em? Engnge lo thleng zui? 


I nunah khan ngaihtuah mang lova chet phutna i nei tawh em? Eng thilah nge dawhtheihna i neih? 


Isuan, “Ka hun a la thleng lo” tih chu lungawi taka a sawina khan a hun taka che chhuak tur leh dik taka che turin eng tin nge a fuih che? 


 *Tun hun hi Isuaa rinna nghah hun a ni.* 


Pathian thutiamah chuan, Isua ringtute tan chuan thiam loh chantirna reng a awm tawh lo. Isua chu kan sualte la bo turin a rawn tir a. Kraws-a a thihna chuan i thil lo tihsual tawh zawng zawng leh la tihsual zel turte man chu a pe tawh e. Amah halral thilhlana inhlanin Isua chuan Pa Pathian nena in inzawm leh theih dan kawng a lo buatsaih ta e. 


Thu lawmawm chu chutah chuan a tawp mai lo! Pathian chuan Isua chu thihna aṭang chuan a kai thova, sual leh thihna chunga a thiltihtheihna chu tarlanin a awm ta a. Chu chuan chatuanin vanramah amah nena hun hman theihna remchang a siamsak ta che a ni. 


Isua hnenah chuan inpumpek tura i inpeih tawh a nih chuan he ṭawngṭaina tawite hmang hian ṭawngṭai rawh: “Lalpa duhtak, Isua Krista chu i Fapa a ni tih ka pawm a. Ka sual a ni tih hi ka pawm bawk, i ngaihdamna ka rawn dil a ni. Isua chu ka sualte min lakbo sak turin a thi a, i kaitho leh a ni tih ka ring bawk. Isua chu min Chhandamtu a ni tih ka pawm a, ka Lal a nih anga zui ka duh bawk vawiin aṭang hian. Ka nun hi hruaiin i duhzawng tih min zirtir ang che. Isua hmingin ka dil a che. Amen.”


Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e. 


[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...