Kohna Mila Nun: Khawvelah Hian Engvangin Nge Ka lo Pian ve?
By Rick Warren
— Sept 1, 2022
Khawvel ṭawngkam pangngaiah chuan zalenna tih chu phuartu awm lo anga sawi a ni. “Ka duh duh ka ti thiang a, ka duh duh ka sawi thei a, mi tute mahin ka awm dan an sawi thiang lo” tihna rilru puthmang chu a ni ber.
Eng ang thinlung nge, mi zawng zawngin an tuar phahna tur, nang erawh chuan i chhunzawm hram hram si ang chi chu. Chung chu khawvelin zalênna a tih ang chu a ni a – nang chuan zalênna i nei ngei mai a, mahse mahni hmasial tak chungin i nei a ni.
Mahse Bible thung chuan zalênna tak chu Isua kaltlang chauha neih theihin a sawi: “Chutichuan, Fapain a zalêntîr che u chuan in zalên tak tak tawh ang." [Johana 8:36]
Pathian chuan Isua chu sual hrêng chi hrang hrang awhna, thikna, duhamna, mipat hmeichhiat hman khawlohna, Inlaichinna kehchhia, inngaihdam theihlohna leh duhamna aṭanga chhanchhuak tur che leh chhuah zalên tur chein a lo tir a ni.
Zalênna dik tak nen chuan hlauhna, mahni inthiamlohna, lungngaihna, khakna leh thihna aṭang chuan chhuah zalên i ni. A dera nung tawh lo turin i zalên a ni, a chhan chu i nihna ang anga lang chhuak tura chhuah zalên i ni.
Engtin nge hlauhna chu paihthlaa Isuaa zalênna tak tak chu i chan theih ang? Pathian i in hmangaih tirnaah chuan a ni! Tirhkoh Johana chuan hetiang hian min zirtir: “Hmangaihnaah hian hlauhna rêng a awm lo va, hmangaihna famkim chuan hlauhna zawng zawng a hnawt bo zâwk ṭhîn,” [I Johana 4:18].
Pathianin a hmangaihna che i hriat chian hun hunah chu hmangaihnaah chuan nun achawlh hahdam dan i thiam tawh ang. Pathian hmangaihnaa i nun i hman hun chuan i zalên tawh ang – a thlirna aṭang chuan nun i thlir thiam tawh ang a, nung tura a duh ang che chuan i nung thei tawh ang a. Chung zalênnate chu i dil leh hlawh chhuah a ni lo i zir ang a; chu chu Pathian thilthlawnpek a ni tih i hria ang.
Dik tak chuan, Pathian hmangaihnaa nun chu chibai bukna nun a ni. Pathian chu hmangaihna, mite hrethiam leh thilphal tak tih i hriat fuh chuan, chu hmangaihnaah chuan i intulut ang a, Amah chu chibai i buk ang. 1 Johana 4:16 chuan hetiang hian a sawi, “Pathianin min hmangaihna chu keimahni ngeiin kan hria a, kan ring ta a ni. Pathian chu hmangaihna a ni a,” tiin.
Ngaihtuah zui atan.
Pathian hmangaihna pawn lamah chuan zalênna i lo zawng ve tawh ṭhin em? Eng nge a sawhkhawk ni zui ta?
Pathian hmangaihna zalênna hnuaiah chuan engtik hunah nge i lo khawsak ve tawh? Chu chuan i nunah eng nge danglamna a thlen?
Engtin nge vawiin hian Pathian i inhmangaih ngei ngeitir theih ang?
*Kristaah chuan zalênna chang turin i inpeih em?*
Pathian thutiamah chuan Isua ringtute tan chuan thiam loh chantirna reng a awm lo. I sual lak aṭanga chhandam tur che chuan Isua a rawn tir a. Krawsa a thihna chuan I thil lo tihsual tawh zawng zawng man chu a tlak a. I sual vanga mahni leh mahni inhlanin ani chuan thiam chantirna a hmuhtir che, Isua chuan Pathian nena inlaichinna i neih theih dan kawng a kawhhmuh che a ni.
Chu chanchin ṭha chu chutah chuan a tawp mai lo. Pathian chuan Isua chu thihna aṭangina kai thova, sual leh thihna chunga thuneitu a nihzia a tarlang. Chu chuan vanramah chatuana a kianga i awm theih nan kawng a buatsaihsak che.
Inngaihtlawm tur leh Isua Krista kuta tlu lut tura i inpeih chuan he ṭawngṭaina mawlmang tak hmang hian ṭawngṭai ang che: “Lalpa duhtak, misual ka ni tih ka hria a, i ngaihdamna ka rawn dil a che. Isua Krista chu i Fapa a ni tih ka pawm a. Ka sualte avangin a thi a, nangmahin nunna nei turin i kaitho leh tih ka ring e. Ka chhandamtu atana pawmin ka Lal anga zui ka duh e, vawiin aṭang ngei hian. Ka nun hi hruai la, i duh zawng anga nung turin min pui rawh. Isua hmingin ka dil e. Amen.”
He ṭawngṭaina hi i hlan thei a nih chuan, he mailah hian Rick@PastorRick.com min lo bia ang che. Isua nena inzin kawng atana thuziak pawimawh tak tak lo thawn che ka duh a ni.
[ *Lettu* : Peka]

No comments:
Post a Comment