Saturday, July 2, 2022

THILPEKIN I RINNA A THANLENTIR

 _Hlimna nun kawng_

Rick Warren

July 2, 2022


"Mahni ta ta mai en lovin, mi dang ta pawh en theuh zawk rawh u.

He rilru, Krista Isua pawha awm bawk kha, nangmahniah awm rawh se" Philippi 2:4-5

Thinlung hmangaihna atanga thilphalna i lanchhuahtir hian, i rinna i tichak zelin Isua i ang telh telh dawn a ni.

A chhan chu, i thilphal khan, nangmahah danglamna a thleng zel ang. Thil i pek khan, i thinlung khan Pathian a hnaih zel a. Hmangaihna i ngah zel ang a. Isua i ang telh telh ang. 

Philippi 1:1-12 ah chuan, "Pathian ropuina leh fakna tura Isua Krista zara felna rah awm chuan lo khatin,

Krista ni atan chuan a tak tak leh sawiselbo in nih theihna turin thil tha bikte chu tha in ti thei ang"a ti. 

Pathian chuan hmangaihna tel lovin i pe thei a, mahse pekna tel lo chuan i hmangaih tak tak thei lo tih i hriat a duh.

"Ka fate hi ka hmangaih lutuk" i ti thei e. Mahse i hun an tan i pe em? "Ka nupui hi ka hmangaih lutuk" i ti thei. Mahse i ngaihsak em?

Hei hi hmangaihna awmzia chu a ni. I thilphal poh leh i hmangaihna i ngah tulh tulh ang a, tichuan Isua i chhun tulh tulh ang.

Heta kan thusawi hi kan tihdan phung kalh thil a ni a. Kan khawtlang nun hian thilphal min zirtir lem lova. Mahni hmasial min zirtir thin.  "Mahni" khawvel a ni tawh ber a. Ka ta, ka thil, ka mamawh, ka ka ka tih vek a ni mai.

Mahse i thilphal chuan, midang ngaihtuahna thinlung i lo nei zawk a. Philippi 2:4-5 chuan, "Mahni ta ta mai en lovin, mi dang ta pawh en theuh zawk rawh u. He rilru, Krista Isua pawha awm bawk kha, nangmahniah awm rawh se" a ti a. 

Thilphalna hian rinna pawh a tichak a. Midangte puihna atan i neih thilte i hmana, mahni tan mai ni lova i hman chuan, midangte pui thei turin Pathianah i innghah fo a ngai.

Bill pek tur nei sum leh paia harsatna nei thian tu emaw i puih chuan, i mamawh pe turin Pathian i rin a ngai a. I thenawm pui tura i hun i sen chuan, chutiang ti thei tur chuan Pathian puihna i mamawh a, tin, nangma mimal thil pawh ti tel thei turin i mamawh bawk.

Chutiang dinhmuna Pathian a innghat chunga i rin tlat chuan i rinna a tichak a ni.

Philippi 4:6 ah chuan, "Engah mah mangang suh u; engkimah tawngtai leh dilin, lawmthu hril tel zelin, in duhnate chu Pathian hnenah hriattirin awm zawk rawh se" a ti. 

Lehkhabu ka ziah hma daih tawh khan, Saddle Back kohhranah thilpek pek hun bik hun vawikhat chu, Pathianin Kay-a ka hnenah a rawn hruai a. Ani chuan kan kum thum hlawh ngawt pechhuak turin min ti a. Chung kum thum chhung chuan kan mamawh zawng zawng atan Pathian chauh kan innghahna a ni. Min pe zel bawk thin.

Pathianin min fiah apianga, kan rinawm zel hian, kan mamawh Pathianin a pe thin tih kan hriat zel hian kan rinna a thang zel thin. Pathianin i thilphal ang zelin a pe zel ang che.

Ngaihtuah zui atan...

I thilphal khan Pathian chungchang engnge zir i neih?

I thilphal avanga Pathian chauh rin ngai dinhmuna i dinna engnge le?

Midangte thilphalnain Isua hnenah engtin nge a hruai hnaih che? 

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...