Sum Enkawl Dan
- Rick Warren
- July 11, 2022
"Buh fang leia a tlak lohva, a thih loh chuan a mal chauhvin a awm reng thin; a thih erawh chuan tam takin a rah thin." (Johana 12:24)
Lo neituin rah chhuah thei hauh lo mai lo a neihin engtinnge a tih? Sawiselah a tlak mai lo. A ṭawngṭaipui pawh a ngai kher lo! A chhuak a, thlai chi a va thlak mai zawk - a chhan chu chi a tuh phawt loh chuan engmah a awm dawn tlat lo. A duh apiang ṭawngṭaiin a dil thei alawm, mahse rah a chhuah dawn hauh lo.
Pathian nghak niin i inhre mai thei. Kha hna hmu tur khan Pathian i nghak niin i ngai mai thei. Pathianin kawppui tur a pek hun che i nghak niin i ngai mai thei bawk. Vanneihna dawng turin Pathian i nghak a ni mai thei. Mahse Pathian chuan, "Min nghak emaw i ti a ni lo maw? Keimah hian ka nghak che asin! Chi tuh turin ka nghak reng che."
Hringnunah hian engkim mai hi chiin bul a inṭan: inlaichinna a ni emaw, sumdawnna a ni emaw, kohhran a ni emaw, engpawhnise. Chi chu tuh a nih phawt loh chuan engmah a thleng ngai lo.
Engvangin nge Pathianin chi tuh tura a tih che? A chhan chu chi tuh hi rinna lantirna kawng pakhat a ni. I neihte kha la la, a nei lote hnenah pe rawh. Hei hian rinna a mamawh a, Pathian ropuina a thlen a ni.
Krawsa thi tura khawvela a lokal chhan a sawifiah lai khan Isua khan chi tuh rang seng chungchang a sawi a ni. Johana 12:24-ah chuan heti hian kan hmu, "Buh fang leia a tlak lohva, a thih loh chuan a mal chauhvin a awm reng thin; a thih erawh chuan tam takin a rah thin." Isuan, "Ka thihna leh thawhlehna avangin mi, vanramah an lut ang. Chi ka tuh dawn, chu chi chu ka nunna a ni dawn a ni." tiin a sawi.
Hei hi chi tuh rah seng kalphung chu a ni: Mamawh i neih hun apiangin thlai chi tuh rawh. I mamawh apiang- hun tam zawk a ni emaw, inlaichinna a ni emaw, thahrui tam zawk a ni emaw, sum tam zawk a ni emaw, lam ṭang ngah emaw, finna thuk zawk emaw i mamawh chuan a mamawhte hnenah pe rawh. Finna nasa zawk i mamawh chuan finna i neih sa kha midangte hnenah hrilh rawh. Mahni inpumpek rawh!
I mamawh tam apiang i pe chhuak tur a ni tih hi thil âtthlak tak a ni mai thei, mahse Pathianin pe tur che a a duh dan che a ni tlat a, malsawm pawh a chak ṭhin a, i nunah rah duhawm tak a chhuah ngei ang.
Ngaihtuah zui atan.
Pathianin enge a sem hun nge i nghah?
I mamawh zâwng chungah chuan Pathianin eng ti turin nge a tih che ni a i hriat? Vawiin hian eng chi nge i theh theih le?
Chi i tuha mahni i inpek ral hian i nunah leh midangte nunah eng rah nge a chhuah le? Chumiah chuan engtinnge Pathianin i nun a chher?
[Lettu: Mapuia Fanai]

No comments:
Post a Comment