Monday, July 25, 2022

PATHIAN RAWNG NGE SUM RAWNG I BAWL?

 Sum enkawl dan 

- Rick Warren 

- July 25, 2022 



"Chhiahhlawh tumahin hotu pahnih rawng an bawl kawp thei lo . . . Pathian leh sum rawng in bawl kawp thei lo ve." (Luka 16:13) 

Pathianin tu emaw hnenah eng emaw pe turin a ti che a, mahse heti hian i lo chhanga, "Lalpa engpawh ka pe thei e, mahse kher tih loh hi," tiin, chutiang a nih chuan chu thil chu i ta a ni miah lo - chu thil chuan a nei let tawh zawk che tihna a ni. 

Luka 16:13-ah chuan heti hian kan hmu, "Chhiahhlawh tumahin hotu pahnih rawng an bawl kawp thei lo . . . Pathian leh sum rawng in bawl kawp thei lo ve." tiin. 

Tu rawng nge emaw eng rawng nge i bawl dawn thlang vat rawh - i duhthlanna chu i thilpekah a lang ang. I nuna lal atan Pathian i thlan chuan, i pawisa ip chungah pawh a lal ang. 

Tu emaw mi hausa tak mai a awm a, sawma pakhat aia tam mah thawhlawm a pe ṭhin a. Mahse chutiang reng chu a ni hauh lo. Kum liam ta khan sum enkawl dan chungchanga mithiam a rawn a. Rei deuh tak an titi dun hnu chuan, chu pa chuan lehkhapuan a la a, bawm lem a ziak ta a. Bawm pawn lamah chuan thil pahnih a ziak a: pawisa chhinchhiahna (dollar sign) leh Isua kraws lem. 

Heti hian a sawi ta a, "I ngaihtuah tur thil pahnih awmin ka hria a. Mahse he bawm pawn lamah hian khawi lem zawk hi nge, a laia ka dah i duh min hrilh phawt loh chuan ka pui thei lo che." tiin. 

Mi hausa tak mai chuan rei lote hnuah, "Ka nun laimu atan Isua ka duh e" a rawn ti a. Chu chu a nun her danglamtu a lo ni ta- chuta ṭang chiah chuan, chatuan atan a khawlkhawm ṭan reng a lo ni. 

Miin i nun entir nan, bawm lem siamin a laiah engnge i dah duh tiin zawt che sela, engnge i sawi ang le? Kraws nge pawisa lem i chuantir ang? I chhanna chu bank-a i sum awm zat tarlan nen a inmil em? I nuna hmun pawimawh ber lai engin emaw a chang tih i hria ang, mahse i sum leh hun hman danin i ngaih pawimawh ber chu engnge tih an hril a ni. 

Sum chungchangah chuan thutlukna pahnih i siam a ngai: A hmasa zawkah chuan, tunge i zirtirtu ni dawn le? A dawt lehah chuan, khawiah nge i sum i dah ang- chatuan hmunah nge he leiah hian? 

Isuan, "Vanah, sulrul leh tuiekin a ei chhiat lohnaah, rukruten an reh pawha an ruk hek lohnaah chuan, in tan rote khawl khawm zawk rawh u; i ro awmna apiangah i rilru pawh a awm ang."(Matthaia 6:20-21) 

Pathianin, i pawisa kha a mamawh miah lo.  A lantir kha a ni a duh zawk ni- i thinlung kha. I sum leh pai Pathian hnena i hlan pahin, i nun zawng a hnenah i hlan a ni. Vawiin hian a sawi ang pe zel turin inpe rawh. 

Ngaihtuah zui atan. 

Engvangin nge, mite hian sum kalsan a harsa an tih em em? 

Pathianin i pawisa a mamawh lo. Chumi hriatna chuan engtinnge sawma pakhat pek chungchangah nghawng a neih? 

I nun laimu atan eng nge i duh? Chu thu tlukna chuan engtin nge i nunah eng danglamna nge a thlen le? 

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...