Rick Warren
6/15/2022
“ _Nunna thu chu vuan zêl rawh u_ .” [Philipi 2: 16]
Lungngaihna hmuna awm i duh tlat chuan i ngaihtuahna chu a kha zual deuh deuh zel ang. Mahse i ngaihtuah dan thlak danglam i duh a, i rilru siamṭhat i duh phawt chuan i lungngaihna hmun chhuahsanin Pathian Thu Bible ngaihtuah ang che.
Engtin nge fianrial hnun i hman ang? Awle, lungngaia indawm kun dan i hria a nih chuan fianrial hun hman dan chu i hre tawh tihna a ni. Lungngaihna chu thil a thim lam thlir chunga i ngaihtuah nawn i ngaihtuah nawn chu a ni mai a. Chumi lo zawng chuan, Pathian Thutak kawng chu i zawh a, i ngaihtuah nawn fo chuan chu chu fianrial nun chu a ni.
Pathian nena in inzawmna chu biak ina i kal changa i thu hriata innghat chauh chu a nih mai chuan Pathian Thu i hriatna chu a nghet lo vang, i ngaihtuahnaah chuan nghet takin a bei ngai lo vang.
Mahse Pathian aw i hriat fova, Bible ngei pawh nitina i chhiar ngat chuan nghet zawkin i vuan ang. Tichuan, nitin i hriat a i chhiar nawn fo va, i zir bawk chuan i vuan nghet deuh deuh ang. I hriat fova, i chhiar a, i zir fo bawk chuan i vawng bel zel ang a, i thinlungah a nghet lehzual zel ang a, Pathian aw chu fiah zawkin i lo hre zel dawn a ni.
Bible zirna kawnga a rahbi pawimawhte chu i zui thlap thlap loh chuan Pathian Thutak chu nghet takin i vuan thei ngai lo vang.
Sam 119: 16 chuan heti hian a sawi, “ _I thuruatte ka ngaihtuah a, I kawngte chu ka chhui bawk ṭhîn_ ” tiin. Hlim i duh em? Pathian zirtirna miin a zui chuan a hlim ang. Chung kalphungte chu i hriat a, i chhiar a, i vawn a, i ngaihtuah chet chet a, i nuna i hman chhuah chuan i lo hre bel lehzual deuh deuh ang.
Bible chuan Sam 119: 35-ah chuan hetiang hian a ti, “ _I thupêkte min zawmtîr la, Chu chu ka lâwmzâwng tak a ni si a_ ” tiin.
Hmun dik lovah hlimna chu i lo zawng kual chiam tawh a ni thei, hawi let ang che. Pathian chuan hlimna chu a Thu zawmtuten an nei ṭhin tiin a sawi.
Ngaihtuah zui atan.
Pathian Thu chu eng vangin nge ngun takin i ngaihtuah theih loh
Pathian Thu vawng thei turin i ṭhiante zingah tu nge pui thei ang che? Tichuan midangte nena hetiang hawi zawng hian engtin nge in inpuih tawn theih ang?
Pathian Thu i zawm changin hlimna i nei ṭhin. Chu chuan eng thutak nge a hriattir che?
[ *Lettu* : Peka]

No comments:
Post a Comment