Sunday, June 26, 2022

PATHIAN I HRIATCHIAN POH LEH HLIMNA I NEIH BELH ZEL ANG

 Hlimna Nun Kawng

- Rick Warren 

- June 26, 2022

"Ka tum tak zawk chu . . . amah nen kan inhriat chian leh zual a, a makzia leh ropuizia tun aia nasaa ka hmuha ka hriat theihna turin." (Philippi 3:10, AMPC)

Nitin Pathian hrechiang leh zual tura beihnaah hian hlimna kan chhar ṭhin.

Philippi 3:10-ah chuan Paulan heti hian a sawi, "Ka tum tak zawk chu . . . amah nen kan inhriatchian leh zual a, a makzia leh ropuizia tun aia nasaa ka hmuha ka hriat theihna turin." (AMPC)

Paula khan Pathian a "hrechiangin an inzawm" ṭhat thu a sawi a, a chhan chu Pathian nen inzawmna thuk tak a nei a, hrechiang leh zual tura a beih reng vang a ni.

Tihpalh thil thuin Pathian nen inhriat chian ringawt theih loh. Zinga i thawh ve leh Isua nen inzawmna ṭha tak i nei nghal ngawt lo. Paulan "ka hriat theihna turin"  ti a a sawi ang hian thil eng emaw i tih a ngai. I hun i pek a ngai a ni.

Pathian hriatchian leh zualna dal theitu pakhat chu buai lutuk hi a ni. I buai lutuk avanga midangte nena in inlaichinna a chhe thei ang khan, Pathian nena in inlaichinna a tichhe thei a ni.

Sam 46:10-ah chuan, "Ngawi ula, Pathian ka ni tih hi hre rawh u" tiin kan hmu.

Pathian nen in inlaichinna ṭhan lentir i duh chuan a tana hun pek i huam a i nghah peih a ṭul. Nitin hun rei lote chhung tal ngaihtuahna ding taka i hman chuan danglamna a thlen thei. Darkar tam tak ka sawi lo, zingtin minute 5 emaw 10 emaw chauh i hman a ni ka sawi. Tichuan, Paula angin Pathian ropuizia  "ka hrethiam ta" i ti thei ang.

Heti hian nitin ṭawngṭai ṭhin rawh: "Lalpa, vawiin hian engmah ka tih loh chuan hriatchian leh zual che ka duh a, hmangaih zual che ka duh a ni." Hetianga i ṭawngṭaia i nunpui chuan, i nunah hlimna nasa zawk i tawng zel ang.

Ngaihtuah zui atan.

Nitin minute 15 tal eng tih nan nge hun i inpek ziah ṭhin? An pawimawh avangin nge chin ṭhana i neih tawh avang zawkin i ṭhin?

Pathian nen hun tam zawk in hmandun theih nan engtinnge i hun i her rem ang?

Pathian nen hun hmang dun thei lo khawpa siam ṭhintute eng thil nge?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...