Friday, June 24, 2022

DAN NGAINATNA CHUAN I HLIMNA A CHHUHSAK CHE

 _Hlimna Nun Kawng_ 

By Rick Warren

— 06/24/2022

 


“ _Mahni felna (Dâna felna chu) nei lovin, Krista rin avânga felna (rin avânga Pathian laka felna chu) nei zâwkin, amaha awm ka lo nih theihna tûrin_ .” [Philippi 3:9]

Pathianin a hmangaih lehzual theihna tur chea engmah tih theih i nei lo chu khawvela thil hahdamthlak ber pakhat a ni hial awm e – chu hlimna kawng pawimawh a ni awk.

Bible chuan hetiang hian a sawi, “ _Keini, Pathian Thlarau zâra Pathian bia leh, Krista Isua chhuang leh, tisa chunga rinna rêng nghat lotute hi serh tanho kan ni zâwk si a_ ,” tiin [Philipi 3: 3]

He thudik hi i theihnghilh apiang leh Pathian khawngaihna chu thawh chhuah tur emaw i tih chang apiangin dan ngainatnaah i lut ang a – chu chuan i hlimna tur a chhuhsak ang che.

Dan ngainatna chu Isuan i tana a lo tih tawh hmachhuan lova i thil tih theih hmachhuanna chu a ni. Dan leh hraite zawma i hlutna tarlan i tum ang a, Pathian khawngaihna chang thei mumal lo tura phuar bet tlattu che chu a ni bawk.

Paula kha Pathian khawngaihnaah a chawl thiam ṭhin. Philipi 3: 9ah chuan hetiang hian a sawi, " _Mahni felna (Dâna felna chu) nei lovin, Krista rin avânga felna (rin avânga Pathian laka felna chu) nei zâwkin, amaha awm ka lo nih theihna tûrin_ ,” tiin. Tawngkam danga kan sawi dawn chuan, Pathian khawngaihna i dawn dan chu hei hi a ni: I thawhchhuah a ni lo. I thil tih ṭhat leh ṭhat loh lam a ni lo; a ngaihdamna mai a ni.

Engtiang takin nge dan ngainatu nia i inhriat? Engtik laiin nge dan ngainatu i lo nih ve? Mite dik leh dik lo i lo buk ve chhen ang. A chhan chu i nihna ang anga pawm i nihna leh hmangaihna changtu nia i inhriat loh chuan mite sawisel mai a awl ṭhin. Eng vangin nge mite chu nuam ti taka an awm i phal ang nangmah ngei pawh nuam ti taka i nun si loh chuan?  

A lehlamah chuan, engtin nge khawngaihna nun neitu i ni tih chu i inhriat theih ang? Khawngaihna nun neitu i nih chuan mite khawngaihna chang i hre mai ṭhin. Pathianin a la ngaidam chhunzawm zel che tih i inhriat ngat chuan mite ngaihdam pawh i awlsam zual sauh ang. Vanram chu nangma thawh chhuah tur a nih tlat loh avangin hahdam takin i nung thei bawk ang.  

Tuk tinin a tharin Pathian khawngaihna chu he ṭawngṭaina hmang hian in inhrilh nawn ang che, “Lalpa, vawiin hian I ngaihdamna famkim changtu ka ni tih min hriat nawntir ang che,” tiin.

Khawngaihna chu i nunpui nasat poh leh lawmna nasa zawk i chang ve zel ang.

Ngaihtuah zui atan.

Engtik hunah nge Pathian tana i thiltih chu Isuan a tihsak che aia chhuang tura thlemna i tawh nasat ber?

Eng dinhmunah nge khawngaihna hmachhuana nun chu awlsam i tih ber?

Philipi 3: 3 chuan hetiang hian a sawi, “ _Keini, Pathian Thlarau zâra Pathian bia leh, Krista Isua chhuang leh, tisa chunga rinna rêng nghat lotute hi serh tanho kan ni zâwk si a_ ,” tiin. Engtin nge Isua Krista thiltih chhuangtu chu i lo nih theih ang?

[Lettu: Peka]

 

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...