_Pathian Ṭhatna Hnuaia Len_
By Rick Warren
August 07, 2026
“A kotu che u chu a rinawm a, tih pawh a ti bawk ang.” [1 Thessalonika 5:24]
Pathian chuan ti tura a tih che chu i hmanraw mamawh pe tel lo chein a tihtir hauh lo vang che. Hriak thihna chu Pathian chuan hna a pek che thawk tura a thuamna che leh a tihchakna che lantirna a ni.
Thawhlehna thiltihtheihna hmanga i nuna thawk tur chuan Pathian chu i duh em? Hriak thih tih awmzia chu i hriat thiam a ngai hle. Hriak thih tih awmzia hre fuh tur chuan i rilruah eng eng emaw i hriat hmasak a ngai thung.
*1.* *Pathianin a ti dawn a tih chuan amahah chuan i innghat thei ang.* Isuan a zirtirte hnena tih tur a pek hnuhnung ber kha thil theih loh a ni. Khawvel tawp thlenga Chanchin Ṭha buaipui kha thil theih a ni lo – a thiltihtheihna tel lo chuan. Pathian chuan tih tur, a pawn lam lan dan aṭanga theih hauh lo tur chu a pe che ang a, ama chaknaa thawh chi an ni thung ang.
“A kotu che u chu a rinawm a, tih pawh a ti bawk ang.” [1 Thessalonika 5:24]
*2. Pathian hriak thihna chuan i hna thawh turte a tiawlsam.* I theihna, chakna, hriatna, finna, leh thilpek [talent] te chu an bei tham hle a ni thei – mahse Pathiana theihna awm erawh an nep hauh lo. Pathian hriak thihna nen chuan ṭha zawkin thil i hmachhawn thei a, i daih rei zawkin i kal thui thei bawk ang.
“A thlarau zârah in chhûng lam nun tihchak nân a ropuina nasa tak ata thiltihtheihna pe che u sela” [Ephesi 3: 16].
*3. Pathian hriakthihna chuan thil theih loh a tihtir che.* I sumdawnnaah, nupa nunah, hriselna leh inlaichinnaah chuan buaina i chakna rinchhana i hneh ngai loh tur i hmachhawn ang. Pathian chu Pa thiltithei tak a ni. Buaina engmah atana chinfel theih loh an awm lo.
“Mihring tih theih loh hi Pathian chuan a ti thei asin.” [Luka 18: 27]
*4. Pathian chuan midang tana malsawmna ni turin hriak a thih che* . Isua chu mi lungngai, thinlung kehsawm, leh thil chin ṭha lovin a tihbuai zawng zawngte thlamuan tura lo kal a ni. Midang muan turin hriak a thih che.
Tirhkohte 10: 38-ah chuan hetiang hian kan hmu, “Nazareth Isua chungchâng thu kha, khatia Pathianin ani chu Thlarau Thianghlim leh thiltihtheihnaa a vûrzia kha; ani chuan mi chunga tiṭha leh, Diabola tihduhdah zawng zawng tidamin a fang vêl ṭhîn a, a hnênah Pathian a awm avângin,” tiin.
*5. Chopna thar i hmachhawn apiangin hriak thar a thih che.* Thlarau Thianghlim hriak thihna chu khawl khawm theih a ni lo. Nimina hriak thihna hmang chuan vawiin buaina chu chinfel theih a ni lo vang.
Pathian chu hnaih la, tichuan ani chuan khawngaihna, hmangaihna leh thiltihtheihna chuan a thuam thar zel ang che. Jakoba 4: 2 chuan hetiang hian a sawi, “In châk a, in nei si lo va; tual in that a, in awt a, in nei thei si lo va: in inhnial a, in indo va; in dîl loh avângin in nei lo va,” tiin.
Ngaihtuah zui atan.
• Pathianin mal a sawm duh che tih i ring a nih chuan engnge amah chu i dil ang?
• I hnate chu nangma chakna rinchhanin nge Pathian chakna rinchhana hlenchhuah i tum? Engnge an danglamna?
• Engtiangin nge Pathian chuan hna a pek che chu thawk thei turin hriak a thih che a, a thuam che?
[ *Lettu:* Peka]
No comments:
Post a Comment