_Hlim Reng Theihna Dan_
- Rick Warren
- May 03, 2026
_"Engnge a pawina? A derin emaw, a takin emaw Krista Thu hrilh a ni ta reng reng a, chu chuan mi tilawm tho ve. A ni, ka lawm zel ang."_ (Philippi 1:18)
I hlimna kha Pathian hnen aṭanga lo chhuak a ni. I awmdân kha mite thununtir awl tak a ni. Mahse hlim tak tak i duh chuan Isua hi i hlimna bul a ni tih i hriat a ngai.
Philippi 1:15-17 ah chuan Paulan Rom khawpuia a tân laia a rawngbawlnaa mi chi hnih awmte chungchang a sawi a. Ṭhenkhat chu ṭhiana a chhal, a rawngbawlnaa fuih kaltute an ni a. Ṭhenkhat chuan an sawisel a, an el a, a rawngbawlna kalhzawngin an awm hial.
_"Thenkhat chuan itsikna leh elrelna avangin Krista thu chu an hril thin a, a then erawh chuan rilru ṭha tak puin an hril thung a; chungte chuan Chanchin Ṭha ṭan turin Pathianin hna min pe a ni tih hriain hmangaihna avanga hril an ni. Mi ṭhenkhat zawngin an ti tak tak lo, elrelna avang chauhin kawl ka bun chungchangah hian buaina mi belhchhahsak tura ti an ni."_ (Philippi 1:15-17)
Mi'n an sawiselna che emaw an beih ngar ngarna che emaw aia i hlimna ruk bosak rang zawk che thil dang a awm. Engvangin? A chhan chu tupawh hian hmangaih nih kan duh vek a. Pawm nih kan duh. Miten min ngaina se kan duh vek.
Mahse a rawngbawlna an sawiselsak chung pawhin Paula khan Philippi 1:18-ah chuan heti hian a la ti fan, _"Engnge a pawina? A derin emaw, a takin emaw Krista Thu hrilh a ni ta reng reng a, chu chuan mi tilawm tho ve. A ni, ka lawm zel ang."_
Hlim turin midang remtihna i neih kher a ṭul lo.
Hlim i duh ang chen zelin i hlim ang! I lakah midang an hlim lo a nih chuan an duhthlanna a ni. Tunah khan mite pawmpuina i dawn loh chuan i dawng dawn tawh lo tihna a ni - midangte tihlawm tum reng renga i khawsak chuan mi khawngaihthlak tak i ni ang.
Paula khan a bung ngai, a chang dangah engpawh thleng se i hlim zelna chhan tur a sawi: _"Krista avanga amah in rin chauh ni lovin, amah avanga in tuar pawh phal a ni si a; indona keimaha in hmuh thin, tunah pawh keimahah a awm tih in hriat, chu mi ngei chu in neih ve tak hi."_ (Philippi 1:29-30)
Paula chuan thil ṭha tih avanga tawrhna chu thil ṭha tak a ni a ti, a chhan chu chutah chiah chuan Isua kan ang a ni.
I hlimna kha mite thusawi mai maiin tibuai suh se. I hlimna kha Pathian aṭanga chhuak a ni si a!
Ngaihtuah zui atan.
Tunge tihlungawi i lo tum ṭhin? Engvangin nge chumi lungawina chu i ngaih pawimawh?
Engvangin nge midang aia Pathian lungawinaah hian zalenna a tam?
Beih emaw sawisel emaw ni a i inhriatin engtinnge Pathianin i nunah emaw i nun kaltlangin emaw hna a thawh ang?
[Lettu: Mapuia Fanai]
No comments:
Post a Comment