_Thil Pawimawh Sawi Hona_
- Rick Warren
- March 4, 2026
_"In thil ṭha tihte mi hmuh atan, mihring mit hmuha ti lo turin fimkhur rawh u, chuti lo chuan, in Pa vana mi hnenah chuan lawmman in nei lovang,"_ Matthaia 6:1.
Vawi khat chu online a thlalakah nu upa lam tawh hi naupang ho zingh, an hmaa thil awm ang ang la turin an phone an lek chho va. Chu nu chauh chu phone a thil lak tum a ni lo. A nihna taka chuan, chu nu hmel chu a damin a nuih seih a, a hlim hle niin a hriat.
Thlalak ringawt i buaipui chuan, i hun tawite chu i hlimpui thei lo vang.
Hei hi entirna a ni: Fianriala hun ka hman lai thlalak i hmu ngai lo vang. Eng vangin? Instagram a dah tur thla ka lak chuan, Pathian nena hun kan hmanna chu a tak tak a ni thei lo vang a. Ka tih chhan a dik thei lo vang. Ni tin Pathian nena hun hman dun i mamawh. Chu hun chu nang leh Pathian inkar a ni tur a ni.
Isua chuan Tlâng chunga a thusawiah khan, "_"In thil ṭha tihte mi hmuh atan, mihring mit hmuha ti lo turin fimkhur rawh u, chuti lo chuan, in Pa vana mi hnenah chuan lawmman in nei lovang,"_ Matthaia 6:1. Kawng danga sawi chuan, i thil tih ṭhat miin an hriatna tura online a i pholan khan, kha zawng kha lawmman i dawn tur a ni ang.
Social media hian intarlan a ti chakawm a. Mahse, i inpholan chuan ramri a siam a. Inzawmna erawh a siam lo. Tumah a hnaihtir lovang che.
Mi hnaih lehzual i duh chuan hemi letling chiah hian ti rawh: Isuan i harsatna a ṭanpui dan che kha sawi la. Ti mai mai suh! I hlawhtlinna chauh ni lovin i tihsual pawh sawi rawh. Chu chuan mi dangte chu phûrna pein an harsatna ṭanpui turin Pathian an ngen dawn a ni.
"Chuvangin a hun takah chuan a chawimawi theihna tur che uin, Pathian kut chak tak hnuaiah chuan intihnuai ula," ( I Petera 5:6).
Miin social media hmanga intihlar an tumin lo mangang ngawt suh. Pathian fa i nih chuan a hun takah a chawisang ang che. I nih miah loh tu emaw an i tumna i tihtawp khan Pathianin ni tura a siam danah che i hlimin i thla a muang ang a.
Tichuan hun reilote chu hlim takin i hmang dawn a ni.
Ngaihtuah zui atan
Miin an fak nih aia Pathianin a fak nih chu i tan a lungawithlak em? Eng vangin nge a lungawithlak emaw, eng vangin nge a lungawithlak loh?
Eng vangin nge mahni intarlan hian inlaichinna thuk leh dik tak nei tura a dâl che?
Social media a mi an inpho chhuah hian eng ang takin nge a tih lungwi loh che?
[ *Lettu: Marova Punte* ]
No comments:
Post a Comment