Sunday, March 1, 2026

ENGVANGIN NGE ZAWHNA PAWIMAWH TAK ZAWH HIAN NGAITHLATU ṬHA TAKA A SIAM CHE

_Thil Pawimawh Sawihona_

- Rick Warren 
- March 1, 2026
_"Mihring ngaihtuahna chu tuichhunchhuah thuk taka tui ang a ni a, mahse finna nei mi chuan thal chhuah dan a hria ang."_ (Thufingte 20:5, GNT)

Midangte thusawi ngaithla thiam mi tehfung lian tak pakhat chu chhanna bik awm chiah lo zawhna an zawh thiam dan hi a ni.

Mi kawm tak tak tur chuan "aw" emaw "aih" emaw tih chauha chhan chi zawhna i zawh loh a ngai. Chung zawhnate chuan khawiah mah min hruai thleng tak tak lo! A chhanna bik awm chiah lo zawhna zawt zawk la, chu chuan thil tam tak a sawitir ang.

Entir nan, "Concert chu nuam i ti em?" ti a zawt ngawt lovin, "Kha concert-ah khan a englai kha nge nuam i tih ber?" tiin han zawt zawk la. Zawhna danglam vak lo niin lang mahse a danglamna chu i lakah mi an inhawng a, titi chhunzawm zelna turin boruak ṭha tak a siam a ni.

Inlaichinna thuk zawk siam a i fate, kawppui leh ṭhiante hriatchian leh zual i duh chuan zawhna siam dan i zir a ngai tihna a ni.

Thufingte 20:5-ah chuan heti hian kan hmu, _"Mihring ngaihtuahna chu tuichhunchhuah thuk taka tui ang a ni a, mahse finna nei mi chuan thal chhuah dan a hria ang."_ (GNT)

Ngaithlatu ṭha zawk i nih theih nan he thu hi a pawimawh: "Min hrilh zel rawh." Mi chi hrang hrang i hmachhawn hunin he thu hi i hman fo a ngai ang.

I lakah mi an inhawn viau laiin thu tlemte chauh an la sawi laiin tawptir mai suh. An zawh hun pawhin, " Min hrilh zel rawh" ti zawk rawh. An sawi nual tawh hnu pawhin, " Sawi zel rawh" ti zel la. I ngaithla zo ta ni a an hriat pawhin, "Min hrilh zel rawh" ti zel rawh.

Sawi tura i tih a hun i haw zau poh leh an inleih baw nasa ting a ni mai.

Mi hnenah an thusawi i ngaihsak a ni tih i hrilh a ni thei, mahse a tihdan ṭha ber chu sawi zel tura tih kha a ni. I ngaihsakin i tuipui a ni tih an hria ang. I rilru i pe a ni tih a tilang bawk. Ngaihsakna chu hmangaihna lantirna a ni! Zawhna zau tak zawh hian mite tan kan hun, kan ngaihtuahna leh hmangaihna kan pe phal a, kan ngaithlain ka hriatthiampui a ni tih lantirna a ni.


Tuichhunchhuah thuk tak aṭangin tui khai chhuak rawh. Chutianga i tih chuan i ngaihthlak theihna leh inbiakna a tihmasawn mai a ni lova, in inlaichinna a siamṭha a ni.

Ngaihtuah zui atan.

Tunkar chhung hian engtinnge ngaihthlatu ṭha zawk i nih theih ang?

Engvangin nge mite hian, "Min hrilh zel rawh" tih hi nitin midang nen an titinaah hian an harsat ṭhin?

Engtinnge mite i ngaihsakna i lantirna hian i hmangaih a  ni tih a lantir?

*Pathianin a hmangaihna che lantir a duh.*
Midangte i ngaihthlak a i ngaihsak hian hmangaihna i lantir a ni. Pathianin hmangaihna sang ber chatuan nun pe chein a lantir. Engtinnge vanram kaina tura thutiam pek i nih? Isua i tan a thi a ni tih ring la ngaihdamna thilpek i hmu ang.

Hei hi mi zawng zawng tana thutiam a ni, chi, hnam, chenna hmun leh hun liam tawh chu engpawh nise.

_"Pathian hming lam apiang chu chhandam an ni ang"_ (TT 2:21). Hei hi thilpek ṭha ber a ni. Dawng turin ni dang nghak suh.

Heti hian ṭawngṭai rawh: " Lalpa, ka chungah i ṭhatna avangin ka lawm e. Ka nun chhungril zawng nen min ngaihsak avangin ka lawm e. Ka natna min ṭawmpui avangin ka lawm a. Chung zawng aiin min chhandam tura Isua i tirh avangin ka lawm e. Krawsah min chhandam nan a thi tih ka ring a, Chhandamtu a pawm ka duh e. Ka sualte ka sim a. Khawngaihin min ngaidam la i chhungkuaah min pawm ang che. Ka nun hmabak zawngah hian hmangaih che a, rin che a, zui che ka duh e. Tichuan vanramah chatuana i kianga awm ka duh e. Amen."

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...