Sunday, February 1, 2026

ISUA THUSAWI HMASA BER LEH HNUHNUNG BER

_Kohhranin I Mamawh Ber A Phuhruk Dan_

- Rick Warren 
- February 1, 2026
_"Lei leh vana thuneihna zawng zawng ka hnenah pek a ni tawh. Chutichuan kal ula, hnam tina mi zirtirahte siam ula."_ (Matthai 28:18-19)

Bible-a thil chiang em em mai kan hmuh pakhat chu: Pathianin Isua Krista kaltlanga Chanchin Ṭha a rawn thlen hi khawvel zawng zawnga puang turin min duh. Isua thusawi hmasa ber leh hnuhnung ber ni anga ziahte hi amaha beiseina in neihte midang hnena hrilh ve hi a ni.

Matthaia 4:19-ah, Isuan rawngbawlna bul a ṭan lai khan sangha mantute- mi naran ve maite kha, a ko khawm a, an hnenah, _"Min zui ula, mite tana sangha man dan ka zirtir ang che u!"_ (NLT) a ti. Heng hi Isuan a zirtirte hnena a sawi hmasak berte zinga mi a ni.

He changah hian Isua rilru puthmang in hre thei mai em? A hnung kan zui hian midangten a hnen an thlen ve theihna tur kan ngai pawimawh a ṭulzia a tarlang. Chu chu Pathian chhungte zinga kan tel vena lan dan a ni, midangte Pathian chhungkaw zinga hruai luh hi.

Matthaia lehkhabuah heti hian kan hmuh chhunzawm, Isua midangte Chanchin Ṭha hrilh thu a tarlang. Hei hi Thupek/Tirhchhuahna Ropui ti a sawi hial a ni. Isuan heti hian a ti, _"Lei leh vana thuneihna zawng zawng ka hnenah pek a ni tawh. Chutichuan kal ula, hnam tina mi zirtirahte siam ula"_ (Matthai 28:18-19). Hei hi Isuan vana a lawn hmaa a thusawi hnuhnung ber a ni.

Engvangin nge Isuan "lei leh vana thuneihna zawng zawng" a neih? A chhan chu khawvel leh van zawng zawng hi a siam a ni a, chuvang chuan a chunga thuneihna hi pek a ni. Isuan zirtir siam turin thu a pe che a. Pathian mi tirh/thawhpuitu i ni tihna a nih chu!

Nangmah avanga vanram kai tur an awm em? Krista rinnaah mite i hruai lut tawh em? Isua thusawi hmasa ber leh hnuhnung ber hi zawm la, engtikah emaw vanramah miin i hnenah, "Ka lawm e! Vawiin hian nangmah vangin vanramah hian ka awm a ni" an la ti ang.

Ngaihtuah zui atan.

Tunge Isua chanchin hrilh hmasa ber che?

Isua thusawi hmasa ber leh hnuhnung bera anga ziahte hi midangte a hnena hruai chungchang a ni. Hei hian Pathianin a chhungkuaa sei lian tura min duhna engnge a lantir?

Tunkar chhung hian tu hnenah nge Isuaa beiseina i neih i hrilh dawn le? 
[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...