_Koh I Nihna Nunpui Rawh_
- Rick Warren
- January 7, 2026
_"Pathianin khawvel a hmangaih em em a, chutichuan, a Fapa mal neih chhun a pe a, amah chu tu pawh a ring apiang an boral lohva, chatuana nunna an neih zawk nan,"_ Johana 3:16.
Mi thenkhat chuan tu emaw thlarau lama bo ti a sawi hi anmahni dah hniamnaah an ngai a. Mahse a ni lo. A nihna takah chuan thlaraua bo ti a koh hi zahderna ropui tak a ni zawk.
Thil tihbo leh dah sual palh hian danglamna a nei. Thil eng emaw ka dah sual palh hian a awmzia chu ka tan a pawimawh tawk lo tihna a ni. Mahse, ka tihbo chuan ka tan a hlu hle a zawn a ngai tihna a ni.
Mi an bo chiah hian zawn man an awm thin. Heti zawng hian ngaihtuah teh: Kutchhuak tha ber a bo hian a hlutna a tlahniam lova, a sang zawk daih a ni.
Mihringin Pathian a zawnna a tawpsan hian a chân nasa hle. Pathian nena in inzawmna i tihchhah hian i panna lam tur i hloh a, i theihna, i hlimna leh nakina i hawna tur i hloh a ni. Mahse thil pakhat hloh miah loh i nei: i hlutna.
Pathianin a hmangaih tawk hle che a ni tih lantir nan a neih that ber a rawn tir: Isua. Bible a châng lâr ber chuan heti hian a sawi, "Pathianin khawvel a hmangaih em em a, chutichuan, a Fapa mal neih chhun a pe a, amah chu tu pawh a ring apiang an boral lohva, chatuana nunna an neih zawk nan," Johana 3:16.
Pathian tan i pawimawh hle a, chuvangin la chhuak tur chein chhanchhuah hna a thawk a. He khawvelah nausente ni a lo piangin i sualna avangin thing kraws chungah a thi a ni.
Isua khawvela a lo kal chhan chu i mamawh vang a ni. Pathian chuan nangmaha i tih theih loh ti turin a Fapa a lo tir: i sual man pe turin. Mamawh lo la chuan hetiang hian Pathianin a ti lovang.
I sualna avangin Pathian nen inzawm theih a ni lo. Chuvang chuan Isua chu khawvelah lo kalin - i tihsual zawng zawng laka chhanchhuak a, ngaihdamna i chan a, Pathian nena inzawmna dik in neih leh theihna turin a lo kal a ni.
Eng vangin nge Pathian chuan a nihna, a ropuina leh zahawmna chu thlauthla a chhanchhuak tur che a a lo kal? A chhan chu a hmangaih vang che a ni. I hriatthiam phak aia nasain a hmangaih che a ni. Pathian hmangaihna hriatthiam tum chu fanghmirin internet hriat a tum ang hi a ni - fanghmir chuan chutiang theihna chu a nei lo. Nang pawhin Pathian hmangaihna hre tluantling turin theihna i nei chuang lo a ni.
Mahse Pathian hmangaihna i hriatthiam kher a ngai lo. I tana a neih that ber petu che Pathian tan i hlu a ni tih pawm a, rin mai kha a tawk a ni.
Ngahtuah zui atan.
Thlaraua bote i en dan leh Pathianin a en dan che engtin nge i khaikhin ang?
I nunah Johana 3:16 hian eng ang takin nge danglamna a neih?
I nunah tuge thlarau lama bo a, Pathiana an hlutna hriatthiam mamawh? Chu mite hnenah chuan tunkar chhung hian engtin nge i thlen theih ang?
[ *Lettu: Marova Punte* ]
No comments:
Post a Comment