Thilmak i beisei laiin
- Rick Warren
- July 13, 2025
_"Pathian chuan tawrhna aṭangin mi a zirtir ṭhin a, hrehawmna hi an mi tihvar nan a hmang ṭhin."_ (Joba 36:15, GNT)
Thil ṭhenkhat chu natna/tawrhna aṭang chauha kan zir chhuah theih a awm- a chang chuan midangte natna/tawrhna aṭangin a ni.
Mahni tawnhriat aṭanga inzir hi thil finthlak tak a ni - mahse midangte tawnhriat aṭanga inzir hi a finthlak leh zual - kan tawrhna aṭanga midangte zirtir pawh hi. Mahni chauhin thil i tisual reng thei bik lo. Chuvang chuan kan tih dik lohna aṭanga inzirtawn hi a pawimawh hle - mahse Pathianin kan natna te kaltlang min zirtir a tum te tlang taka kan lantir chauhin.
Joba 36:15-ah chuan heti hian kan hmu, _"Pathian chuan tawrhna aṭangin mi a zirtir ṭhin a, hrehawmna hi an mi tihvar nan a hmang ṭhin."_
Tunah manganna i tawh meah khan Pathianin engnge hrethiam tura a duh che? Engnge i zir? I zir chhuah ve leh chu zirlai chu midangte zirtir ve turin a duh che.
Harsatna hrang hrang kan paltlang vek mai. Mahse i natna chu eng ang pawh nise, Pathianin heng thil pathumte hi zir turin a duh che:
*A hmasa berah chuan, i natna kaltlangin Pathiana innghah leh zual i zir.* Pathianin a chanchin i zir a duh - chak lohna kara a chakna te, hmangaih loh nia i inhriat laiin a hmangaihna te, ngaihdam ni lova i inhriat laiin a khawngaihna te, kalna tur i hriat miah loh laiin a finna te.
*Pahnihnaah chuan i nat em em laiin Pathian thu ringa zawm i zir.* Thil a kal dik thlup lai hi chuan Pathiana rinna nghah hi a awl. Mahse thil a kal fuh loh lai hian rinna nghah a har viau.
Lal Davida chuan heti hian a ti, _"Tihhreawma ka awm hma khan ka vâk bo thin a; Tunah erawh chuan i thu ka zawm ta"_ (Sam 119:67). Hlawhchhamna leh thil tih dik loh avanga zirlai kan zir chhuah hian Pathian thutiam rinna kawngah min fuih ṭhin. A thuin kan hnena awm reng a tiam thu leh i tana bang lova hna a thawh thu kan hmu.
*Pathumnaah chuan, i natna aṭangin midang i mamawhzia i zir chhuak.* Natna tawk ngai miah lo la midang i ngaihtuah ngai lovang. Natna an tawh chiahin mi ṭhenkhat chuan midang an mamawh tih an pawm ṭhin. Natna te hi he hringnun hi nangmah chauha zawh tur i ni lo tih hriattirtu che an ni.
Tunah khan natna i tawh mek chuan Pathianin a zirtir tur che kha i ṭhian te, chhung te leh chhuan lo la awm tur tan te thlenga i chhawm zel khan midangte tan pawh a ṭangkai dawn a ni tih ring rawh.
Ngaihtuah zui atan.
Midangte natna/tawrhna aṭangin engnge zirlai pawimawh tak i zir chhuah tawh le?
Engvangin nge i natna te tilang tura tlawmna nun i neih a ṭul?
I tawrhna aṭanga zirlai i zir chhuah tawh kha tuin nge lo hlawkpui thei ang? Tunkar chhung hian midangte hnena hrilh turin engtinnge i tih ang?
[Lettu: Mapuia Fanai]
No comments:
Post a Comment