Thursday, July 31, 2025

AWMZIA A AWM MAI LOH CHANGIN ENGNGE TIH TUR

Tumruhna Danglam

By Rick Warren
— July 31, 2025
“Engkim i ti thei tih ka hria e, i tum dâl rual eng mah a awm lo. ‘Tu a ni nge, hriatna lova thurâwn thup botu hi?’ Chuvâng alâwm ka hriat thiam lohte, Ka tâna mak lutuk, ka hriat
loh thilte ka sawi ni... Chuvâng tak chuan ka inten a,Vut leh vaivuta ṭhuin ka sim ta e,”
[Job 42:2-3, 6]

Pathian hnenah chuan i hriatthiam loh chhan sawi mai lovin amah chu ring zawk ang che. 

Bung 37 zet chu Joba khan zawhna a zawt ngar ngar a nih kha. Eng vangin nge hei hi ka chungah a thlen?  Eng vangin nge a thlen i phal? Engah nge natna i thlentir? Engah nge hrehawmna? Eng vangin nge ka ṭawngṭaina i chhan mai loh?  

Bung 38 naah thung chuan Joba chuan “engah nge” tih lam a zawt ta lo va – Pathian thung chuan “Keimahin ka zawt ve thung ang che,” a ti ta zawk a nih kha. [Joba 38: 3]

A hnu bung hnih zetah chuan Pathian chuan zawhna amah Pathian chauhin a chhan theih tur chu a zawt ta mawlh mawlh mai a. Zawhna a zawh ṭhenkhatte chu, “Leilung ka din lai khan khawiah nge i awm? Lei hipna awmzia hi i hrilhfiah thei em tihte a ni ta nuai mai. 

Bung hnih hnuah chuan Joba chuan mihring mai a ni tih a inhre ta a, hriatna tlemte nei tih a inman bawk. Tu nge a nih Pathian chhuahchhal turin? 

Joba chuan zawhna a zawt ta lo – a ring ta thung a ni. Lalpa chuan hetiang hian a chhang a nih kha, “Engkim i ti thei tih ka hria e, i tum dâl rual eng mah a awm lo. ‘Tu a ni nge, hriatna lova thurâwn thup botu hi?’ Chuvâng alâwm ka hriat thiam lohte, Ka tâna mak lutuk, ka hriat
loh thilte ka sawi ni... Chuvâng tak chuan ka inten a,Vut leh vaivuta ṭhuin ka sim ta e,” tiin
[Job 42:2-3, 6]

Thil awmzia chiang tak i hriat thiam loh lai chuan engnge i tih ang, thil awmzia a chian hma leh a awmzia tak tak a lanfiah hma chuan? 

Pathian i hriatna chu nangmah leh nangmah i inhrilh nawn ang che. A rinhlelh lai pawhin Joba chuan Pathian a hriatnate chu a nemnghet a ni, hetiangin: Pathian chu hmangaihna a ni (Job 10:12); Engkim tithei a ni (Job 36:22); Engkim thununtu a ni (Job 34:13); Ruahmanna mumal tak a nun tan a duang sa (Job 23:14); Pathianin a veng dawn (Job 5:11).

I nunin a thil paltlang mek kha ka hriatpui kher lo che, mahse hei hi ka hrilh ang che: Pathian chuan fiah tak leh chiang takin engkim a hriatpui che. I lungphu zawng zawng nen khan a hmu fiah vek. Pathian hriat loh thil engmah a awm lo. 

I nunin a thil paltlang chu i hre thiam lo a nih mai thei, mahse Pathian hnenah chuan hei hi i la sawi thei cheu ang: i ṭha a ni tih ka hria a. Mite hmangaih thei tak i ni tih ka hria a. Engkim tithei i ni tih ka hre bawk. Ka nun pumpui hi a chinchhuakin i hre vek a. engkim thununtu i ni hial bawl. Ruahmanna i nei tih ka hria a. Min veng ngei ang tih pawh ka hre bawk e tiin. 

“Eng vangin nge” tih zawhna i neih mek chu dah ṭhain Pathian chu ring ang che – eng ang dinhmun aṭang pawh chuan. 

Ngaihtuah zui atan. 

Pathian nihna chungchanga thu dik tak chu eng nge ni? An dik ngei a ni tih chu engtin nge i hriat ang? 

Chutiang thu chuan engtin nge Pathian an rin lehzualtir theih ang che? 

Ṭawngṭaina thu Pathian i rin theihna tur leh a nihna leh a chhan han ziak chhuak teh – amahin a ngaihsak che avang chuan lawmthu hrilh ang che. 

[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...