_Tihdanglam Tawh_
- Rick Warren
- June 11, 2025
"A ni, thihna hlim kawr ruam zawh mah ila, thil ṭha lo reng reng ka hlau lo vang, nang ka hnenah i awm si a, i talhtum leh i tiangin mi thlamuan ṭhin a ni," Sam 23:4.
Hlohna hi rilru hahna bul a ni. Thil tam tak i hloh thei - i hna, i hriselna, i sum, i hming ṭhatna emaw i hmangaih te.
Miin hlohna an paltlang lai hian, thil pahnih tlanglâwn tak sawhkhâwk i hmuhte chu: hlauhna leh manganna a ni.
Manganna hi thil ṭha a ni a. Manganna hi nun inthlakthlengna kan paltlangna kawng a ni. Dik takin sawi ta ila, i mangang ngai lo a nih chuan tânna lai i nei tihna a ni!
A lehlamah chuan, hlauhna hi thil ṭha lo tak a ni. Bible chuan vawi khat aia tam mah, "Mangang suh u," "Lungngai suh u," "Sûn suh u," "Ṭap suh u," tih te a sawi a. A sawi chiang tak chu, "Hlau suh u," tih hi a ni a. Vawi 365 ngawt a sawi a ni! Manganna hi tihtawp ngawt theih a ni lova, hlauhna erawh chu a reh thei a ni.
Sam 23:4-ah Davida chuan, "A ni, thihna hlim kawr ruam zawh mah ila, thil ṭha lo reng reng ka hlau lo vang, nang ka hnenah i awm si a, i talhtum leh i tiangin mi thlamuan ṭhin a ni," a ti.
Sâm ziah a nih lai hian berampu chuan beram ven nan talhtum leh tiang a keng ṭhin . Chutiang chiah chuan Davida pawhin Pathianin a hmanraw hmangin a vêng dawn a ni tih a hria. Ruam khur thim tak a zawh lai pawhin Pathian chu a ring tlat a ni.
Tunah hian hlim kawr ruam thim tak i zawh mek a i maithei. Thihna hlim kawr ruam pawh a ni thei a. A nih loh pawhin leibatna kawr ruam pawh a ni thei. A nih loh vek pawhin innghirnghona kawr ruam pawh a ni maithei. A nih loh vek pawhin rilru buaina kawr ruamah pawh a ni thei a. A nih loh vek pawhin rilru hnualna ruamah pawh a ni zawk maithei bawk.
Hlimthla hi a hlauhawm a ni. I têt laia khuma i mut laia hlimthla i hlauh ṭhinzia kha i la hria em? Hlimthla chungchangah hian thil tlema zawng zir chhuah ka nei.
Pakhatna chu, hlimthla chuan a tina thei lo che.
Pahnihna, hlimthla chu a tak aiin a lian ṭhin.
Hei hi chanchin lawmawm tak chu a ni: hlimthla awmna apiangah êng a awm ṭhin. Êng awm lovin hlimthla a awm thei lo. Hlim kawr ruam i zawh laia i tih tur chu i hnung hlimthla lam aṭanga hawileta, êng lam en a ni. Êng lam i en chhûng chuan - Isua - Khawvel Êntu avangin hlimthla chuan a tihlau ngai lovang che.
Chutiang chu thihna hlim kawr ruam i zawh dan chu a ni a. Chutiang chu rilru hahna tihhniam dan chu a ni. Ruam thim tak i zawh laiin Davida angin Pathian i ring tlat thei a ni.
Ngaihtuah zui atan.
Hlauhna hi eng ang takin nge i lo tawn tawh? Engtin nge manganna hi i tan a ṭangkai dan?
Engnge ni i hun kal tawha hlim kawr ruam paltlanga Pathianin a venhimna che?
Tunah khan eng hlimthla nge i hmachhawn? Hlimthla aṭanga Khawvel Eng, Isua i pan theihna tur chu engnge ni ang?
[ *Lettu: Marova Punte* ]
No comments:
Post a Comment