Thursday, May 1, 2025

PATHIAN A HNAI, A HRETHIAM CHE

_Pathian Nena Inzawm: Lalpa Ṭawngṭaina_

By Rick Warren
— May 01, 2025
“Amah kotute chu LALPAN a hnaih ṭhîn.” [Sam 145:18]

Van thengrenga arsi hla ber ai pawhin Pathian chu a hla zawk anga a lan chang a awm – mahse a ni lo. I lungphu phu leh tur chiah ang vela hnai kha a ni. Ni khata mit khapkar tin chu i hnenah a awm.  

Bible chuan Tirhkohte 12: 27-ah chuan, “Pathian an zawna, an dap an dapa, an hmuh mial theih nân; nimahsela, ani chuan min hlat lo ṭheuh si a,” tiin a sawi.  

Vawiin hian Pathian chu mel maktaduai tam taka hla angin i ngai mai thei. Mahse i nuam tihzawng leh thil nihna tak chu a inhmu rem lo thei. Hei hi thil nihna awmzia chu a ni: Tun dinhmunah hian i kiangah Pathian chu a awm a ni. 

A chhan chu Pathian chu a hnai a ni, heng hi Pathian chungchang thua thudik chu a ni: 

Pathian chu i tan a buai viau ngai lo. Sam 145: 18 chuan “Amah kotute chu LALPAN a hnaih ṭhîn,” tiin a sawi. I koh apiang chuan Pathian chu a hnai reng. Amah i ngaihtuah aia zing daih Ani chuan a ngaihtuah che. I pian hma pawh khan a lo ngaihtuah daih tawh che a. I nitin hun hman pumpuiah khan a ngaihsak che. Pathian tan chuan i lo buai viau thei a – mahse ani erawh chu i tan a buai ve ngai lo.  

Pathian chuan i mamawh pek che a duh. Thinrim chung chuan engmah a ti ngai lo. A duh a ni! Matthaia 7: 11 chuan, “Chutichuan, nangni mi sual mahin in fate thil ṭha pêk nachâng in hriat chuan, in Pa vâna mi chuan a dîltute chu thil ṭha a pe zâwk êm êm dâwn lo vem ni?” tiin a sawi. Pathian chuan thilpek pek che nuam a ti tih chu hriain lawm takin awm ang che. 

Pathian chuan i natna a hriat thiampui che. Hun harsa i paltlang lai chuan he thu hi innghahna atan hmang ang che, “Thinlung taka lungchhiate chu LALPAN a hnaih ṭhîn a, Rilru taka inchhîrte chu a chhandam ṭhîn,” tiin [Sam 34: 18] 

Pathian chuan a hnaih che a, eng ang thil nge a paltlang tih a hre thiam a ni. A lam hawi ang che. Nangmah ṭanpui che a duh che a ni tih hre tlat ang che. 

Ngaihtuah zui atan

Hun harsa ber i paltlang lai chuan eng vangin nge Pathian chu a hla nia i hriat? 

Eng vangin nge Pathian i biak chu a ngai nia i hriat? 

Pathian nena hun tam zawk hmang tur chuan i nuna khawi lai kha nge thlak danglam ngai ang? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...