_Hmangaihna Thumal Ropui Pasarih_
- Rick Warren
- April 13, 2025
_"Itsikna leh mahni hmasialna awmna hmunah chuan buaina leh sual tinreng a awm tih i hmu ang."_ (Jakoba 3:16, NLT)
Ka nunkawng engkimah "Keimah" ka dah hmasak ber zel chuan chu chu sual a ni.
Tute pawh hian "keimah" tih harsatna hi kan tawk vek: Ka duh dana tih ka duh, keimahin ka ti ang; keimah ka inenkawl hmasak a ngai; midangte tan hun ka nei lo; keimah hi ka pawimawh ber.
Puitlin lam pana ka ṭhan chhoh mek laiin ka pa khan mahni-hmasial ṭhat lohzia min zirtir ṭhin. Sual bul chu mahni-hmasialna a ni a, chapona pawh hi sual nena inzawm tlat a ni. Sualna tinreng hi mahni-hmasialna rah chhuak a ni fo. Kan khawtlanga buaina tam tak hi chu "Nang aiin ka ṭha zawk" tih vanga lo chhuak a ni.
Mahni chauh inngaihtuahna nun i hman mek lai khan hmasialna avangin eng sual nge pung le? Phunnawi leh sawisel i ching ṭan tiraw? I thikthu a lo chhia a, bum i lo ching a, i luhlul a, khawngaihna i tlachham bawk - a chhan chu midang ni lovin mahni chauh inkhawngaihna nun i neih vang a ni.
Mahni-hmasialna hian eng rah nge a chhuah? Thiam lohna, chauhna, hmalam a thim zawnga thlirna, inhmelmakna, nun ruakna - mahni chauh indah pawimawhna.
Mahni-hmasialna tihrehna damdawi engnge awm? I thlir i thlak a ngai.
Pathianin ama tana a siam che i ni a. Amah lam i en chauhin muanna leh a siam chhan che i hmu ang. Bible-in heti hian min tiam, _"Nangmah ringtu zawng zawng te chu muanna i pe anga, an rilru nangmaha dah nghet tlat te chu."_ (Isaia 26:3, NLT)
Ngaihtuah zui atan.
I ngaihtuahna, i thiltum leh i hun hman dan luah khattu ber engnge tiin han ngaihtuah teh. Engtinnge mahni-hmasialna nun i lo neih? Engtinnge Pathian lam i dah pawimawh?
Engtinnge mahni-hmasialna hian i nun mai bakah mite nun a nghawng ni a i hmuh?
Pathian lam i thlir theih dan tur kawng engte nge?
[Lettu: Mapuia Fanai]
No comments:
Post a Comment