Monday, March 31, 2025

PATHIAN KHAWNGAIHNAAH I INNGHAH THEIH DAN KAWNG SAWM

_Hmangaihna Thumal Ropui Pasarih_

Rick Warren
31 March, 2025
“Ama lâwm zâwng atâna tih tum tûr leh bei tûra nangmahnia thawktu chu Pathian a ni si a.”
‭‭PHILIPPI‬ ‭2‬:‭13‬ ‭

Ringtu kan nih ang hian chhandamna chungchangah chuan khawngaihna nen inzawm tlatin kan hria a. Mahse khawngaihna hi Krista hnena i rawn kalna mai bakah a la awm cheu a ni. Kristian nun i zawhna reng reng kha Pathian khawngaihnain a ti nung tur a ni.

A khawngaihna atanga chhuak a nih loh chuan amahah emaw a tan pawh nise engmah tih theih i nei lo. Bible chuan, “ama lâwm zâwng atâna tih tum tûr leh bei tûra nangmahnia thawktu chu Pathian a ni si a.”
‭‭(PHILIPPI‬ ‭2‬:‭13‬) a ti a. 

A nihnaah chuan, khawngaihna hian i tana hlawkna kawng sawm a rawn thlen a ni:

*Khawngaihnaa chhandam i ni.* Vanram hi khawngaihna kawngkhar hmang chauha luh theih a ni. I hlawhchhuah a ni lova. Chumi tura i thawh vak theih thil pawh a ni lo. I lei thei lo bawk (Eph 2:8-9).

*Khawngaihna hmanga ngaihdam i ni.* Phu lo mah ila, a khawngaihna avangin Pathian chuan min ngaidam a ni. (Isaia 43:25)

*Khawngaihna avanga vawn i ni.* Pathian hian theihna  pek che nilo thil engmah i lak atangin a beisei lovang. Chu theihna chu khawngaihna a ni. (Phil 2:13)

*Khawngaihna a tihdam i ni.* Pathian chuan i thinlung na  tidamin i hliam a tuam dam thin, i phu lo chung pawh khan. (sam 147:3)

*Khawngaihna avanga tihzalen i ni.* Isua nena in inzawmna hi tih tur intuk ang zawng a ni lo. Chumi ai chuan, Lalpan a tih tawh lama hahchawlh a ni. I kristian nun kha Krista a chawl a nih loh chhan, dan avanga thiam chan tum i ni ang (Mat 11:28-30)

*Khawngaihna avangin theihna pek i ni.* Pathian hian kan zavaiin theihna min pe theuh a, chung chu a tan hmang tur kan ni (Rom 12:6)

*Khawngaihna avanga hman thin i ni.* Pathian chuan he khawvelah hian a duhzawng tih hlawhtlinna tura hman che a duh a. I tih tawh vang ni lovin a khawngaihna avang a ni (Eph 3:7)

*Khawngaihna avanga venhim i ni.*I chhandamna i hloh thei lo a chhan chu Pathian thil pek a ni. I hlawhchhuah theih nise, i theih loh chin a thlen veleh i hloh ang (Juda 1:24)

*Khawngaihna avanga tihdanglam i ni.* A khawngaihna avangin i rilru ti tharin, mi tharah a siam thin che a ni (Rom 12:2)

*Khawngaihna avanga puitlinna nei i ni.* Isua ang tura Pathian hnathawh hi i hlawhchhuah vang ni lovin, i theihtawp chhuah lam aiin Pathian thilpek a ni (2 Pet 3:18)

Pathian khawngaihna hi a tak tak niin, i nunah thil tithei tak a ni tih hre reng la. Chu khawngaihna chu Krista hnen hruaithleng tu che kha a ni a, i ringtu nun kawng tin hruaitu pawh a ni.

Ngaihtuah zui atan...

Heng hlawkna 10 atang hian pawm har i tih ber engnge? Engvangin nge?

Khing kan sawi takte hi zawmin engtin nge midang i tanpui ve theih ang?

Pathian khawngaihna hlawkna i hriarna hian i nun thlak danglam turin engtin nge huaisenna a pek che?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...