Monday, February 3, 2025

PATHIAN RUAT I BANSAN HMAIN, LA KAL HRAM HRAM RIH ANG CHE

_I Tawpna Tur Hmuchhuak Rawh_

Rick Warren
3 Feb 2025
“Rinnain Nova chu thil lo la lang lote kawng thûah Pathian hrilha lo awmin, Pathian ṭih dêkin a chhûngte chhandam nân lawng a tu a; chu chuan khawvêl chu thiam loh a chantîr ta a, rinna avânga felna awm chu rochungtu a lo ni ta bawk a.”
‭‭HEBRAI‬ ‭11‬:‭7‬ ‭

Pathianin a pek che i duhthusam kha bansan suh. Kal zel rawh, i châk emaw châk tawh lo pawh nise. Kawng chanve ah tawpsan lo la - hnuhma thui tak nei turin ti hram hram ang che. I nun bultanna emaw tawpna emaw ni lovin, i nun - hun laihawl lai tak kha a ni i hlawhtlin leh tlin loh hriltu chu.

Kan khawtlang nun chuan, "Vawiin atan nung la, a dik nia i hriat chuan ti rawh" tiin min hrilh ta ber  a. Kan khawtlang nunphung hian hmalam thlir thui turin min zirtir tam ta lo hle. Lo inruahman lawkna a vang tan a. Kum 10 meuh han ngaihtuah pha chu thil thar a ni deuh tlat tawh.

Hei hi thudik chu a ni: engkim hian kan rin aiin hun an la rei tlangpui. Chumi avang chuan tun atanga kum 10 ah nih duh i neih chuan, tunah i tan a ngai a ni. A chhan chu engkim hian hun a duh thin vang a ni.

Nova khan hei hi a hrethiam a. Kum 120 zet kha lawng tuk nan hun a hmang a. Khawharna te, chauhna te, beidawnna te zawng zawng kha a hmachhawn ve ngei a rinawm. Mahse a thawk zel a ni. Chutiang bawkin Pathian a pek che hmachhawp i neihah khan chona i hmachhawn ngei ang.

Nova khan a tawrh theih zel chhan chu a rinna vang a ni. Bible chuan, "“Rinnain Nova chu thil lo la lang lote kawng thûah Pathian hrilha lo awmin, Pathian ṭih dêkin a chhûngte chhandam nân lawng a tu a; chu chuan khawvêl chu thiam loh a chantîr ta a, rinna avânga felna awm chu rochungtu a lo ni ta bawk a.”
(‭‭HEBRAI‬ ‭11‬:‭7‬ ) a ti a.

Ni 42,001 zet mai Nova khan tum pakhat a neih tan hun a hmang a: a hlawhtling a ni. Pathian ruahmannaah chuan rinawm takin a awm a, khawharna leh harsatna thleng nawn fo mahse a rinawm zel a ni.

Beidawnsan mai pawh i duh rum rum mai thei. Hningnun hi a harsa thin em em a, mahse Pathianin a hrilh duh che chu: "Tawpsan suh" tih hi a ni. A thu thu a ni a, Pathian chuan duang mahse i hringnun bung tawpna pawh chhiar ala ni em lova. Beidawng suh.

Galatia 6:9 ah chuan, "Tichuan, thil ṭha tih i ning suh ang u; kan inthlahdah loh zawngin a hun takah chuan kan seng dâwn si a" a ti a. 

A pawimawh lai chu "a hun takah chuan" tih hi a ni. Hlawhtlinna chuan hun, dawhtheihna leh rinna a mamawh a ni.

Lawng kha chhandamna entirna a ni a. Nova fate lawng hmanga chhandam an nih ang khan, Kristaah chuan chhan kan ni a. Nova thawnthuah lang hmasa ber chu khawngaihna a ni. Pathian khawngaihna rinna - kan thiltih vang ni lovin - chu chu chhandamna kawng chu a ni.

Bible chuan, "“A lama rilru dik tak putute chunga a chakzia tilang tûrin khawvêl zawng zawngah Lalpa mit chu a lêng ruai ruai ṭhîn a ni. Atthlâk takin thil i ti a nih hi; tûn achinah chuan do i nei reng tawh ang,” a ti a" (2 Chro 16:9). Chutiang mi chu ni la. Rinawm taka awmin Pathianin i tana a ruat chu ti hlawhtling ang che. 

Ngaihtuah zui atan...

Dawhtheihna leh tumruhnate, Pathian remruat hlawhtlinna turin engtin nge i neih theih ang?

Kum 120 zet Nova'n Pathian remruata rinawm taka a awmna khan engtin nge chona a pek che?

Pathian thuneihna leh a khawngaihna i rinna hian i rinhlehna leh beidawnna hmunah hnehna a chantir che? 

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...