_I Nun Kalzel Atana Pathian Hmathlir_
Rick Warren
2 Dec, 2024
“Chuvângin, chûng thil laka mi a inthiarfihlîm chuan bungbêl thianghlim, Lalpa hman tlâk, hnathawh ṭha tinrênga inpeih sa, ngaihhlut tûr mi a ni ang.”
2 TIMOTHEA 2:21
Pathian hman nih i duh chuan, mi famkim i nih kher a ngai lova - mahse thinlung thianghlim erawh i mamawh a ni.
2 Timothea 2:21 ah chuan, “Chuvângin, chûng thil laka mi a inthiarfihlîm chuan bungbêl thianghlim, Lalpa hman tlâk, hnathawh ṭha tinrênga inpeih sa, ngaihhlut tûr mi a ni ang" a ti a.
Pathian hian mi chi hrang hrang a hmang thin. Mi zakzum deuh leh mi rualpawl deuh te. Hnam hrang hrang, kum in ang lo tak tak, nun in ang lo leh dinhmun hrang hrang a mi a hmang thin a. Mipa leh hmeichhia a hmang ve ve bawk. Pathian chuan bungbel cheimawi loh te, cheimawi te, lian deuh leh te deuh thlengin a hmang vek a ni.
Mahse thil pakhat Pathian hman loh a awm: bungbel bawlhhlawh a hmang ngai lo. Chhung lam fai nih a ngai a. Mahse thu lawmawm ala awm cheu: engpawh niin, lo ni tawh pawh ni la, tihfai theih i ni!
Engtin nge i tih ang? Engtin nge i lo thianghlim ang? Thumal awlsam deuh hian a sawifiah theih: thupha i chawi ang. Augustine-a, kristian hruaitu lar tak Isua hun atanga kum za tam lutuk lo a mi chuan, "Thil tha lo te avanga thupha chawina hi thil tha intanna a ni" a ti. Bible chuan 1 John 1:9 ah, “Kan sualte thupha kan chawi chuan, kan sualte ngaidam tûr leh kan fel lohna zawng zawng tlêng fai tûrin, amah chu a rinawmin a fel a ni" a ti a.
Thupha chawi hi Greek tumal chuan homologeo tih a ni a. Homo chu thuhmun tihna a ni a. Logeo chu thil sawi tihna a ni. Homologeo chu thil thuhmun sawi tihna a ni a, Pathianin kan sual chungchang a sawi na ang a ni. A awmzia chu, "Lalpa i dik e. Tihpalh a ni lo. Sual a ni a, a dik lo a ni" ti a Pathian i thlawpna a ni. Pathian kha i dawn tihna a ni lova (ka ti leh tawh lovang). Pathian kha i tham tihna pawh a ni lo (nitin Bible ka chhiar tawh ang).
I sualna i pawm mai a ni.
I tan ho viauin a lang mai thei. "In pawm mai chauh maw ka tih tur, chuan min ngaidam mai ang maw?" i ti mai thei. Aw, chu chu khawngaihna chu a ni.
Hetah hian Pathian hman i nih duh tak tak chuan i tih tur a awm a: tun karah hian i lehkhabu thil ziahna tur nen inchhawpin hun insiam la, Pathian hnenah, "Ka nunah hian engnge dik lo le, min hmuh ta che. Ka ziak chhuak vek anga, ka inpawm vek bawk ang. I hnenah thupha ka chawi dawn a ni" tiin han tawngtai la. Pathianin ngaihdan a pek che chu han ziak chhuak ang che.
Ka tih hmasak ber chuan, lehkha bu ka siam dawn ta mai emaw ka ti hman a! Vawi tam ka ti ta fo mai. Ziak chhuak vek la, chuan 1 John 1:9 kha ziak leh la. "Lalpa, ka sualna te hi i hmaah ka inpawm e. A dik lo a ni. Ka nunah ka duh tawh lo e" tiin i tawngtai ang a. Tifai tur che in dil la. Pathian chuan a ngaidam em em bawk ang che.
I thinlung i tih thianghlim a ngai a- chu chu Pathian hman theih tura bul tanna a ni.
Ngaihtuah zui atan...
I sualna thupha chawi miah lova i liamtir kha engtik nge? Pathianin i nunah a hmanna tur che engtin nge a tih danglam?
Thupha chawi ngai sual neiin i inhria em? Hun rei lo te chumi tur chuan han hmang ta che.
I thinlung a thianghlim nia hriat kha engnge a an? A hmaah tih thianghlima awma a hman theih i nih kha eng angin nge i ngaih?
*Tupawh Krista Isuaa awmte tan chuan thiamloh chantirna a awm tawh lo*
Bible chuan Johana 3:18 ah, “Tu pawh amah ring chu thiam lohvin an awm lo vang"a ti a. Rom 8:1 ah chuan, Tupawh Krista Isuaa awmte tan chuan thiamloh chantirna reng a awm tawh lo" a ti leh a.
Engpawh lo ti tawh in khawiah pawh lo awm tawh la, Pathian chhungkaw zingah hian hmun i neiin, tel ve turin nghah reng i ni. Sawmna zau taka hawn a ni a. I rin a, i dawn mai kha a tawk a ni.
Engtin nge i tih ang? Pathian nunphungah leh a khawngaihna huang zauhah chuan innghat la. I sualna puangin ngaihdam dil la. Isua thutiam chu hauh tlatin, chhandamna a thlawna awm leh mitin ta tura pek, sual kalsan a Isua ringtu apianga taka dah chu i tan hauh tlat ang che. Pathian hnenah inngaitlawmin a chhungkuaa telh ve turin i ngen mai dawn a ni.
(Lettu: Msa)
No comments:
Post a Comment