Monday, December 23, 2024

A THAWNTHUAH I TEL VE DAWN EM?

_Isua Tan Hmun Ka  siam Dawn Em?_

Rick Warren
23 Dec 2024
“Tin, a fa tîrah mipa a hring a; puanin a tuam a, khual bûka an len ve tâk loh avângin ran chaw pêkna thlêngah a muttîr a.”
‭‭LUKA‬ ‭2‬:‭7‬ ‭

Hei hi ngaihtuah teh: Khualbuk vengtuin hmun a siamsak loh avang khan Isua kha a piang lo chuang lo. A bak chu a thawnthu vek a ni ta. Khualbuk vengtu khan, "Room a awm tawh lo" a tih khan Pathian a ti na pha lo. Mahse khualbuk vengtu khan a damchhunga a tana malsawmna lian ber tur chu a chân phah thung a ni. Pathian fapa a lo mikhual tur kha a chân a ni.

Luka 2:7ah chuan, “Tin, a fa tîrah mipa a hring a; puanin a tuam a, khual bûka an len ve tâk loh avângin ran chaw pêkna thlêngah a muttîr a" a ti a. 

A tana hmun i siam loh khan Pathian remruatna i dal phah chuang lo.  Mahse i chân thung! Isua chuan nun chhan tur pek che a, muanna te, thiltihtheihnate pek che a duh a. Mahse chumi tur chuan i thinlungah hmun i siam a ngai a ni.

A hmasa berah chuan, Isua chuan i nun chhan tur pek che a duh a. I nunah kim lo awmin i hre thin em? A chhan chu chhan neia siam, awmze nei tura siam i ni a, sum leh hlawhtlinna atan chauh a ni lo. Hlawhtlinna hi a la tawk lo, kan nun tuihal a hnem zo lo.

2 Kor 6:12-13ah chuan, "“kan inhawng a, nangni erawh chu in inhawng ve si lo. Tichuan, in chunga kan tih ang bawk khân, nangni pawh kan lakah inhawng ve tûrin fate ngenin kan ngên a che u" a ti a. Famkimlohna damdawi tha ber chu Isua tana hmun siam a ni a. A pawimawh ber chu kawng kharhnan loh a ni ber.

A dawt lehah chuan, Isua chuan Biblein thlamuana a pek hi ti hian a sawi a, “Tichuan, Pathian thlamuanna, rilru rêng rênga hriat sên loh khân, in thinlung leh in ngaihtuahnate chu Krista Isuaah chuan a vênsak ang che u.” (Phil 4:7). Chumi awmzia chu i chhehvel buai mahse thlamuanna sawifiah theih loh i nei thei tihna a ni. Chutiang muanna chu Muanna Pathian, Isua hnen atang chauhin a awm thei a ni.

A tawp berah chuan, Isua chuan thiltihtheihna pawh pek che a duh. Thiltihtheihna, mahni pawh in thunun theihna khawp thiltihtheihna. Krista hnenah thuneihna i pek tam poh leh, mahni inthununna i ngah ang.

A chang chuan i theih tawp i chhuah pawh hi a tawk lo tih i hre fo ang; i natnate, i chin tha lo te, i chak lohnate hneh turin theihna i nei lo fo thin. Mahni inthunun theihna turin Krista Thlarau tanpuina i mamawh a ni.

Dam chhan, thlamuanna leh thiltihtheihna Pathian chauh atanga chhuak chu i duh em? I thinlungah Isua chu hmun siam ang che! 

Ngaihtuah zui atan...

Isua tan hmun i siam loh avanga i chân han ngaihtuah teh.

Pathian tan hmun i siam avanga malsawmna i chan theih dan tur han sawi teh.

Nun chhan, muanna leh thiltihtheihna i mamawhna i nunah a awm em? Pathian dil rawh le.

Pathian ata nun awmzia leh thlamuanna leh thiltihtheihna nei turin Isua i rin phawt a ngai a ni.

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...