_Tihnghin Rual Loh_
- Rick Warren
- October 10, 2024
_“Faten an hlawh ṭhin Pa thununna chu in hlawh ve loh chuan, fa tak ni lovin sâwn in ni ang asin. … Kan paten ṭha an tih angin rei lo tê chu min thunun ṭhîn ngei tak a, ani erawh chuan a thianghlimna kan chan ve theih nân, kan ṭhatna tûrin min thunun zâwk ṭhîn a ni. Thununna rêng rêng hi tuar lai chuan thil lâwmawmah a ngaih theih loh va, hrehawm tak a ni; mahse, insawizawi hnuah chuan rah thlamuanawm tak a chhuah a, mi a siam ṭha ṭhîn.”_ [Hebrai 12:8, 10-11]
Thununna chu mihring ṭhanlenna atan a pawimawh. Thununna chu i ṭhanlen zelna atana i hlawkpui niin i hria em? Nia, i hlawkpui ang. Chu chu kal dan, thusawi, thil ei, inbual, thu chhiar, thu ziak leh thil dang zawng zawng kan zir a ni. Nu leh pa an fate zilh ngai lo mi chuan an hmangaih lo tihna a ni.
Pathianin a thunun chhan che chu a tithianghlim duh che a ni satliah lo, kawng dik a kawhhmuh duh che a ni. Lei dana kan nu leh pate min hmangaih ang chuan Pathian chuan kawng laka i dai sual leh i let leh dan chu a ngaihtuah ṭhin. A thununna chuan a chhungkaw mi leh sa i ni tih a nemnghet bawk.
_“Faten an hlawh ṭhin Pa thununna chu in hlawh ve loh chuan, fa tak ni lovin sâwn in ni ang asin. … Kan paten ṭha an tih angin rei lo tê chu min thunun ṭhîn ngei tak a, ani erawh chuan a thianghlimna kan chan ve theih nân, kan ṭhatna tûrin min thunun zâwk ṭhîn a ni. Thununna rêng rêng hi tuar lai chuan thil lâwmawmah a ngaih theih loh va, hrehawm tak a ni; mahse, insawizawi hnuah chuan rah thlamuanawm tak a chhuah a, mi a siam ṭha ṭhîn.”_ [Hebrai 12:8, 10-11]
Chu chu Israel fate chungah kum 2500 liam ta velah khan a lo thleng tawh. Milem biaknaah thuk takin an inhmang tawh a, Pathian chuan “In thil chin dawklak aṭang khan ka la chhuak dawn che u a ni” tiin a hrilh a nih kha. Babulon hoten an hneh a, an rampawnah kum 70 chuang a hruai khan Pathian aw kha an ngaithla ṭan ta chauh a ni. Israel fate chu milem biaknaah chuan an let leh tawh ngai lo.
Eng vangin nge Pathian chuan a mite a sawi nghing ṭhin? A chhan chu sawinghin mai theih loh tur khawpa i ngheh a duh vang a ni, “tihnghîn theih lohte chauh an awm reng dâwn tihna a ni.” [Hebrai 12: 27]
Thil ngai kan zui avanga buaina eng emaw kan tawh hunah chauh kan inthlakthleng chauh fo. A chang chuan, Pathian chu en tur chuan zangthal duaia kan tluk phawt a ngaih chang a awm bawk. Hringnuna zirlai pawimawh ber berte chu kan hlawhchhamna leh buaina kan chinfel hnuah chauh kan zir thiam ṭhin.
_“Ngai rawh, Pathianin mi a thunun chu a eng a thâwl e; Chuvângin, Engkimtitheia thununna chu ngainêp suh. Ani chuan a tina a, a tuam leh a, A tihliam a, kutin a tidam leh a ni.”_ [Job 5:17-18].
Chatuan daih thil chauh chu i vawn tlat a, rei lotea chhe mai turte erawh thlah dan i thiam a ngai. Pathian kawng leh a nihna chu i mimal nihna leh duh dan ai chuan a ropui zawk tih pawm turin Pathian chuan a duh che a. A thununna che chu a hmangaihna tarlangtu an ni.
Pathianin a thunun che a nih chuan ṭhang lian zel tura i thil mamawhte chu zawt ang che.
Ngaihtuah zui atan
Tunah khan eng harsatna nge i tawh mek? “Engah nge keimah kher” tia zawhna zawt lovin “Engnge ka zir chhuah tur chu?” tih chu zawt zawk tawh ang che.
Pathian thununna chu a malsawmna angin i lo thlir ve tawh ngai em? Engvangin nge i thlirna chu chutiang chuan i thlak danglam ngai?
Hatsatna karah pawh nghet taka din theih dan chu engnge ni ang?
Isua chu i chhandamna a ni, i kulhbingsan nghing ve ngai lo chu.
Hetiang hian a sawi, _“Chutichuan, mi tin hêng ka thu hi hriaa zâwm apiang chu, mi fing, lungpui chunga in satu nên tehkhin tûr a ni. Ruahte a lo sûr a, tuite a lo lian a, thlite a lo tleh a, chu in chu a rawn nam sawk sawk a; nimahsela, a chim lo va; lungpui chunga rem tlat a nih avângin.”_ [Matthaia 7: 24-25]
Isua hmangaihna chuan phut a nei lo. Chatuan atana I thawhpui nih a duh e. Amah chu nghing ve ngai lo leh nghing ngai lo turin a buatsaih tlat che. A rahbi hmasa ber chu a chhandamna thutiam pawm chu a ni.
Isua hnena inhlan tura i inpeih a nih chuan he tawngtaina thu hmang hian tawngtai ang che:
“Lalpa duhtak, Isua Krista chu i Fapa a ni tih ka pawm a. Ka sual a ni tih hi ka pawm bawk, i ngaihdamna ka rawn dil a ni. I
sua chu ka sualte min lakbo sak turin a thi a, i kaitho leh a ni tih ka ring bawk. Isua chu min Chhandamtu a ni tih ka pawm a, ka Lal a nih anga zui ka duh bawk vawiin aṭang hian.
Ka nun hi hruaiin i duhzawng tih min zirtir ang che. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[Lettu: Peka]
No comments:
Post a Comment