_Nun Hunbi Hrang Hranga Than Dan_
Rick Warren
2 Sept. 2024
“Amaherawhchu, chutiang kawngah chuan theh tlêm chuan a ât tlêm ang a, theh tam chuan a ât tam bawk ang. Mi tinin ui chunga pe lovin, pêk loh theih loh anga ngaia pe hek lovin, an thinlunga an tum ang zêlin pe ṭheuh rawh se; Pathian chuan hlim taka petu a ni a hmangaih ni.”
2 KORINTH 9:6-7
Chi theh leh rah seng kalphung hi hringnun engkimah hian a hman theih awm e, i sum leh pai dinhmun chauh loah pawh. I nuna i theh a piang chu, i seng leh dawn a. I khawlkhawm a piang chu i la let leh ang.
Sawiselna i tuh ṭhin chuan, midang hnen atan sawiselna i seng ang a. Khawngaihna i tuh chuan, khawngaihna i seng ang a. Chu chu rahseng dan kalphung a ni. Apple chi i tuh chuan, pear thei i seng ngai lo. Apple i seng ṭhin. Thilphalna nena i tuh chu, thilphalna nen i seng let leh ang.
Bible hian chi tuh leh seng dan chungchang hi 2 Kor 9:6-7 ah a sawi a, “Amaherawhchu, chutiang kawngah chuan theh tlêm chuan a ât tlêm ang a, theh tam chuan a ât tam bawk ang. Mi tinin ui chunga pe lovin, pêk loh theih loh anga ngaia pe hek lovin, an thinlunga an tum ang zêlin pe ṭheuh rawh se; Pathian chuan hlim taka petu a ni a hmangaih ni.”
Hei hi rah seng dan kalphung a ni: mamawh i neih a piangin chi tuh la. Loneitu hian a lo ro rep rup tak mai chu enin a hluihlawn mai lova. A kal a, chi a tuh ṭhin.
Thlai chi a neih tlem chuan duhthlan tur a nei a. A khawl ṭha thei a, a pe chhuak thei bawk. A kawl ṭha a nih chuan, chu zawng chu a neih chhun a ni ang. Midang a pe a nih chuan, Pathianin a tihpun sak ang. Mak deuh mai chu: i tuh chauh hi i seng a ni lova,. I tuh bak i seng ṭhin a ni.
Pathian chuan amah ang i nih a duh a, hetiang hian rem a lo ruat vek a lo ni a. Pathian chu thilpek hmang a ni. Amah i an theihna kawng chu thilphal taka pek i chin khan a ni. I uikawm a nih chuan, setana ang mai i lo ni ang. I thilphal chuan, Pathian i lo ang zawk ang. I pek chhuak chuan, Lalpan a tipung ang.
He kan thilsawi mek hi a awm ang lo viau mai- mamawh laia pek chhuah daih mai hi. Mahse chu tak chu rinna a ṭul chhan pawh a ni reng a. Pathian chuan i neih theih dan kawng chu i pek khan a ni a, i vawn ṭhat khan a ni lo a ti miau a ni.
Ngaihtuah zui atan...
I pek aia tam Pathian leh midangte hnena tanga i dawn ṭum a awm em? Engtik nge?
Engtin nge i pek tur chu i thlan ang?
I nuna i mamawh mek chu engnge ni? I mamawh i nghah mek laia Pathianin pe chhuak tura a duh che chu engnge ni ang le?
(Lettu: Msa)
No comments:
Post a Comment