_Hun Rei Daih Thil Ngaihlu Tura Nun Buatsaih_
- Rick Warren
- July 1, 2024
“‘I vêngte hmangaih la, i hmêlma haw rawh,’ an ti tih in hre tawh. Kei erawh chuan ka hrilh a che u, in hmêlmate chu hmangaih ula, a tiduhdahtu che u chu ṭawngṭaisak rawh u,” Matthaia 5:43-44
Diklohna hi mihring dinhmun a tel ve pakhat a ni a. He khawvelah hian mi dangten kan laka an awm dan dik lo deuh a ngai miah lo hian rei tak a awm tak tak theih loh. Nu leh pate pawh naupan lai hun hrehawm hmanna chhan an ni thei a. I thawhpuite aia hrehawm zawka enkawl biktu che kha a ruaitu che kha a ni thei a. Dan kalphungah i lakah dikna kenkawhin a awm lo niin i hre thei a. I phu rênga i ngaih kha remchanna siam sak miah loh pawh i ni thei a ni.
Chutianga i thinlung tinatu che chu i tihnat letsak ve thei ngei mai a. Rinhlelh rual lohvin, chu chu kawng awlsam ber pawh a ni.
Mahse Pathian chuan kawng dang a kawhhmuh che a: "I vêngte hmangaih la, i hmêlma haw rawh,’ an ti tih in hre tawh. Kei erawh chuan ka hrilh a che u, in hmêlmate chu hmangaih ula, a tiduhdahtu che u chu ṭawngṭaisak rawh u,”
(Matthaia 5:43-44) tiin.
Miten an tihnat che khan, i chhan let an beisei ngei ngei thin. Phuba i lak emaw ngei an ring thin a. Chumi letling chiah chu Pathian chuan ti turin a duh che a ni: hmangaihnaa i thungrulh zaw kha a duh.
Miten i laka tha lo taka an tih che khan hmangaihnaa i lo chhanlet daih khan, an thuhnuia an dahna che lakah i chhuak a ni. Diklo taka an tih che khan i thu thuin i awmtir thei miah lova. Mahse chumiah chuan rilru khà i put leh put loh chu i thu a ni. I chhanlet dan kha i thu thu a awm chu a ni.
Hmangaihna nena i chhan let khan an suahsualna chu i palzamsak tihna a ni hauh lova. Chu ai mah chuan, dikna hi hmangaihna nen kan zawng zawk tur a ni. Phuba tel lova dikna thlentir hi he khawvelah hian kan tum tur a ni. Bible chuan, "dik tak leh fel takin rorel ula" (Jer 22:3) tiin thu a pe a ni.
Hemi chungchanga entirna tha tak mai chu Dr. Martin Luther King Jr. kha a ni. Sualna kha kut inthlakna tel miah lo khan a do a. Hmangaihna khan sual kha a hneh a. Isua, amah hektuten an nghaisak mek lai pawh a ngaidam thei zirtirna kha a zui tlat a ni.
Chu chu Isua zuitu kan nihna anga kohna kan dawn chu a ni. Sualna leh dik lohna hi mihring dinhmuna tel ve zel pawh ni mah se, kan vulh lian tur a ni lo. Hmangaihna a rul let zawk turin Pathian chuan min ko a ni.
Ngaihtuah zui atan...
Hmangaihna a chhanlet harsa i tih em em i nuna miten dik lo taka an tihna che a awm em? Engvanga harsa nge?
Mi dangte kan huat emaw an laka rilru khà kan put tlat hian engtin nge kan nun kan thununtir le?
Isua hmangaihna nen in chhungkua emaw thiante nen pawh ni se, in khawtlanga dik lohna awm in chhanlet theih te engte nge?
(Lettu: Msa)
No comments:
Post a Comment