Monday, June 17, 2024

PATHIAN DUHZAWNG TIHNA TUR HUN NEIH

_Hun Rei Daih Thil Ngaihlu Tura Nun Buatsaih_

- Rick Warren
- June 17, 2024
“Tichuan, mi tin ei leh in leh an thawhrimna zawng zawnga hlim taka an awm chu Pathian thilpêk a ni.”
‭‭Thuhriltu ‭3‬:‭13‬ ‭

Kum zabi 21-na hun, hna thawh nasat em em hunlai, mi an hah em em hun lai, hunbi khat em em neih reng laiah hian hei hi thuziak tangkai leh mi tizangkhai thei chhiar tur i hmuh a ni hial maithei: Pathian duhzawng tihna tur hun i nei a ni tih hi.

Chumi awmzia chu i nileng hun hman danah hunin a daih lo che a i hriat chuan, hemi engemaw zawk zawk vang hi a ni ngei ang:

1) Pathianin i tih atana a ruat lem loh i buaipui a ni thei a,
2) Pathianin buaipui tura a tih che kha i buaipui dan a dik lo a ni thei bawk.

Pathian hian tih tur pe chein, tihna hun pe leh si lo che hian a siam miah lovang che. Tih tam i tum lutuk emaw, i hun i khawhral emaw vang a ni zawk ang. Kawng dang a awm chuang lo.

Eng zawk pawh ni se, i tun hun zel kha hlim taka i hman thiam a pawimawh. Bible chuan, “Tichuan, mi tin ei leh in leh an thawhrimna zawng zawnga hlim taka an awm chu Pathian thilpêk a ni" a ti (Thuhriltu 3:13).

Mi tam tak chu thang tha lo tak takah kan tla lut a. Chu thang chu, "Engtik nge, nakinah" tiin a hming ka vuah tawp mai a ni. Engemaw kan hlenchhuah hunah hian kan hlim kan ring a. Chu mi chu nupui pasal neih emaw, lehkha zir chhuah emaw, sum lama tum hlawhtlin emaw a ni thei. Mahse chumi hunah chuan i hlim chuang lovang. Second thum vel emaw chu i hlimpui anga, mahse, 'eng nge a dawt leh?' tih i inzawt leh anga. Thil ngai hi a kual a kual mai a ni.

l chau em, i in hmang chau em, emaw rilru nen lam i hah viau em? Pathian hian i tan thil tam zawk a duhsak che a. Phur nasa taka i phurh vak chuan, Isua hnen atanga lokal a ni lo vang  chu chu. Isua chuan, "Nangni thawkrim leh phurrit phur zawng zawngte u ka hnenah lokal ula.... ka phur pawh a zang a ni" a ti (Matt 11:28,30).

I hun engkim mai kha Pathian hnen atanga i dawn a ni a. A lehpek zel tur i ngaihtuah avang leh, i hmaa awm reng i en kan daih avang khan i hun tha engmah kha i hloh a phal lova. I neih sa reng tawh nena i hlim hmain thil eng emaw lo thlen kher nghak suh. I hlimna leh lungawina turin tunah khan Pathian chuan engkim i mamawh chu a pe vek zel che a ni.

Ngaihtuah zui atan...

I nunhlui engin nge buai takin siam che a, i hun tha pawh hlimpui hman lo khawpa siam che?

I nunhluiah khan i hlimpui em em tura i rin thil i hlenchhuah tawh engnge awm le?

Pathianin ti tura a duh che i tih hman theihna turin pawimawh i tih leh i hun neih dan te engtin nge i insiamrem theih ang?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...