Thursday, May 16, 2024

ENG ANG MI PAWH NI LA, I HLU

Thil Tidanglam Tura Hrual

By Rick Warren
— May 16, 2024
“A hmêl lam emaw, a san lam emaw en suh; ani hi chu ka duh lo a ni; LALPA chuan mihring en dan angin a en ve si lo va; mihring chuan pawn lam lan dan an en ṭhin a, LALPA erawh chuan thinlung lam a en zawk ṭhin a ni.” [I Samuel 16:7]

Hringnun hian Pathian thiltum leh Pathian ropuina tarlan a tum a – chuvang chuan mihring nun ropuina hi a vawnhim a ngai thin. 

Tu pawh niin khawi lama mi pawh ni la, I hlu a ni. Chutiang chiah chu mi zawng zawng an ni, mite chuan i nihna chu eng ang pawhin an sawi liam ve mai mai thei. 

Tute mah hi kan famkim lo, mahse Bible chuan Pathianin kan taksa pianken fuh tawk lo zawng zawngte nena min pawm thu a sawi. Chu chu i hria em? Kan nuna thutlukna dik lo kan siam thin kan ei luat emaw, zial kan zuk vang emaw, zu kan in luat emaw avanga buaina keimahni leh keimahni kan inthlente chu a huam lo vang. I pianken – nangma thuneihna piah lama awmte leh miten “fuh lo” an tih leh chak lohna” an tihte zawng zawng nen lam chuan i NIHNA a ni.  

Bible chuan I Samuela 16: 7 ah chuan hetiang hian a sawi, “A hmêl lam emaw, a san lam emaw en suh; ani hi chu ka duh lo a ni; LALPA chuan mihring en dan angin a en ve si lo va; mihring chuan pawn lam lan dan an en ṭhin a, LALPA erawh chuan thinlung lam a en zawk ṭhin a ni,” tiin. 

Pathian chuan mihringte thlirna aia sang zawk daih a neih avangin mawhphurhna a la thei. Kan hmuh theih loh chu a hmu a. Thil kan tih theih ang ang kan tih vete chu tha a tiin a famkim lo chung leh, a dik tawk lo leh a tluantling lo chung chuan tha a ti. 

Pathian chuan tu nen mah a khaikhin ve dawn lo che. Nangmah ni tur khan a siam che. A thilsiam mawi tak i ni. I thatna ropui tak chu nihtir tur chein tanpui che a duh. 

Ngaihtuah zui atan. 

Tute nen emaw inkhaikhin chang i nei tawh em? 

Tuin nge Pathianin a hmuh dan che aia tha zawk [emaw chhe zawk emaw] a hmu che a, Pathianin a hmangaih zawka [hmangaih lo zawka] i ngaih chu ni? 

Pathianin i nun chu a thianghlim a ni tih a hmuh chu a tawk mai em? Engvangin nge? 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...