Rinna huaisen
- Rick Warren
- April 28, 2024
_"Hmuh theih lam ngawt en lovin, hmuh theih loh thilte chu kan en zâwk a ni. Hêng hmuh theih thilte hi rei lo tê atân a ni a, mahse hmuh theih loh thilte chu chatuan atân a ni."_ (II Korinth 4:18)
A hring a hrana i hmuh thei loh chu i rilrua i mitthla a ngai ṭhin. Chuvang chuan a ni suangtuahna hi rinna a nung tur chuan a pawimawh em em ni.
Hebrai 11:1-ah chuan, _"Rinna hi thil beiseite a taka awm ngei a ni tih hriatna, thil lang lote hmuh fiahna a ni"_ a ti.
Rinna chu thil kan beisei a, a lo thleng ngei dawn a ni tih kan hriatna hi a ni. Thil eng emaw beisei tur chuan, i mitthla thiam a ngai. Thil eng emaw a rinna i nghah dawn chuan, i mitthla thiam a ngai.
Hebrai bung 11-na Pathian mi ropuite awm khawmna tih a ni ṭhin. Hming lo langte i chhiar zel chuan hming lang ho zawng zawng te chu rinnaa mi ropui tak vek an lo ni a a chhan chu, an suangtuahna an hmang thiam tlat a ni.
Entirnan, Pathian chuan Abrahama hnenah, " Kum 90 i ni tawh a, fa reng i la nei si lo. Mahse, i hming pawh Abrama a ni tawh lo vang a, i hming hi Abrahama a ni tawh zawk ang, chi hrang hrang tam tak thlahtu tura ka siam tak che hi" a ti a.
Abrahama chu pawn a chhuak a van a arsite en leh chhiar turin a ti a: i thlahte chu khiti zat khi an la ni ang a ti a. Israel hnam pumpui chu! Abrahama hnena arsite chhiar tura a tih lai khan Pathian khan engnge a tih? Suangtuahna a siamsak a ni. ""I nuna ka thil tihtur hi han mitthla teh" a tihna a ni.
Bible chuan II Korinth 4:18-ah, _"Hmuh theih lam ngawt en lovin, hmuh theih loh thilte chu kan en zâwk a ni. Hêng hmuh theih thilte hi rei lo tê atân a ni a, mahse hmuh theih loh thilte chu chatuan atân a ni."_ a ti.
Pa leh Fapa leh Thlarau Thianghlim chu i hmu thei lo; mahse, chatuan thlenga awm tur an ni. I thlarau ngei pawh i hmu thei lo; mahse, chatuan daih tur a ni thung.
Bible chuan thil awm reng tur lama kan ngaituahna te dah turin min duh a - kan mit lawnga kan hmuh theih loh thil te lamah chuan. Engtin nge i hmuh theih loh thil lamah chuan i ngaihtuahna te i dah theih ang? I mitthla ang.
Suangtuahna hi themthiamna leh thil hlimawm lam ringawt a ni lova. Pathian thilpek a ni, a chhan chu, rinna a i nun theih nan i mamawh tih a hria a ni.
Ngaihtuah zui atan.
Engtinnge i suangtuahna khan Pathian thu hriatthiamna leh vawnna kawngah a puih che?
Rinna kawngah hian i suangtuahna hman thiam harsa i ti em? Engvangin?
I rinna kawnga thil pawimawh te, heng Thlarau Thianghlim, vanram Pathian duhzawng, tih ang te hi han hrilhfiah dawn chhin teh. Engin nge chungte chu mitthla thiam tura min pui?
[Lettu: Mapuia Fanai]
No comments:
Post a Comment