Monday, March 4, 2024

SETANA HI A TAK A NI

_Hmuh Theih Loh Indona_

Rick Warren
March 4, 2024
”Kan buante hi tisa leh thisen an ni si lo, lalnate leh, thuneihnate leh, he thim chunga khawvêl rorêltute leh, vân hmunahte thlarau sualho awmte an ni zâwk e.“
‭‭Ephesi ‭6‬:‭12‬ ‭

Hmelma i nei a - i ngaih ang chu a ni kher lo maithei. I hnathawhna hmuna i el thin kha a ni lova. I thenawm khirh ve tak pawh kha a ni lova. I kawppui hlui pawh a ni hek lo.

I hmelma chu mihring a ni lo a ni.

”Kan buante hi tisa leh thisen an ni si lo, lalnate leh, thuneihnate leh, he thim chunga khawvêl rorêltute leh, vân hmunahte thlarau sualho awmte an ni zâwk e.“
‭‭Ephesi ‭6‬:‭12‬ ‭

Indona chu Setana nena indona a ni.

Beidawnna leh chak lova kan awm fo nachhan chu kan do hi tunge tih kan chian loh thin vang a ni. Kan hmelma hi kan hrechiang lova. Sum leh pai lam te, political party te, mi tu tu emaw te kan dem mai thin.

Biblein ruk hmang leh dawt hmang, Isua hmangaihtu nun tihchhiat zel tumtu tih loh mi dang dem reng reng hian hun kan hmang fo thin.

I nun pawt hniam thin thil laka hnehna i chan dawn chuan, hmelma dik i beih a ngai dawn a ni.

Chutianga i tih chuan, i hmelma dik tak i beihin hei hi rilruah hre reng la.

*Pakhatna, Setana hi i hneh lo.* Indo lawng ṭhelret/ rubber a perh ang vel a ni. Isua tel lo chuan i nuna Setana hnathawhte hneh theihna i nei lo a ni.

*Pahnihna, mi tin hi Setana hian a hmang fo.* Setana chuan Kristian leh Kristian lote rilruah ngaihtuahna a tuh fo mai.  A chang chuan a hmanrua kan ni vek thei a ni. Pathian ralthuam famkimin kan inthuam a ngai a ni (Ephesi 6:10-17).

*Pathumna, a rau a piang hi a tha vek lo.* Rau-ah hian a eng leh thim a awm a. Engkim hian Pathian min thlen thei tih dawt hi lo awih reng reng suh. Isua chuan, "Kei hi kawng leh thutak leh nunna chu ka ni. Keimah lovin tuman pa hnen an thleng thei lo" (Johana 14:6) a ti.

*A tawp berah chuan, Setana hian dik takin a bei ngai lo.* Setana hian a ti ṭuanfum ngawt thei lo che, chu aiah chuan beidawnna leh nguina thinlung i rilruah tuh a tum ang. A thiltih chu i man thiam a, khawi atanga ngaihdan chu lo chhuak nge tih i hriat a, Thlarau Thianghlim tanpuina i dil a tul a ni.

Setana hi a tak a ni a. I nun tibuai rengtu hmelma chu amah chu a ni.  Mahse Pathian thiltihtheihna Isua hming i lam avanga i nuna thleng thei lakah erawh engmah tih theih a nei lo.

Ngaihtuah zui atan...

Tunge i hmelmaah i lo ngaih thin? I hmelma dik tak i hriat khan eng thil nge i tih tawh loh tur le?

Engtin nge ngaihtuahna chu Setana atanga chhuak a ni tih i hriat ang?

Setana atanga lo kal a ni tih i hriat i ngaihtuahna a cham reng engnge awm le? Chutiang chu lo dodal tur leh i rilru veng turin engnge i tih ang le?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...