Hmuh Theih Loh Indona
By Rick Warren
— March 07, 2024
“Remna Chanchin Ṭha puang tûra inpeih rengna chu pheikhawkah bun ula.” [Ephesi 6:15]
Innghirnghona chuan Setana ban phakah a dah fo che. Buaina I neih chu Pathian nena in inkar a ni emaw, midang nen a ni emaw, nangmah leh nangma nun pawh a ni thei – Setana’n a tihbuai phakah kawng hrang hrangin a hung che tihna a ni.
Chu chu i duh miah lo vang. Nangmah leh nangmah i indo emaw, midang nen a ni emaw, Pathian nen pawh lo ni ta se, setana hnathawh chu nangmah mai chuan i bei tak tak thei ngai lovang. A rualin mi chi hrang hrang i bei thei lovang. Chutiang tura siam chu i ni lo.
Tu emaw chirhduma a pil hret hret ang hian i buaina hrang hrangte chuan buai taka ban a vaitir chein innghahna nghet zawk a daptir ṭhin che.
Chuvang tak chuan Paula chuan ringtute chu hetiang hian a fuih, “Remna Chanchin Ṭha puang tûra inpeih rengna chu pheikhawkah bun ula,” tiin. [Ephesi 6:15]
Rom sipai hote pheikhawk khan a mawngphahah thir bawk a nei thin a. Football boota a hling (cleats) awm ang deuh khan chung thir bawk chuan lei an rah changin nghet takin a dintir thei a ni.
Chanchin Thaa kan hmuh remna tel lo chuan nangmah ngei pawh i inbilhin i kal pai khawn khawn fo vang.
Paula khan remna chungchang thil chi thumin a sawi a: Nangmah leh nangmah, midangte nen leh Pathian nen. In ngaihdam tawnna a ni a, chu chu i nun pumpuiah chuan i mamawh. Tuktin i thawh chhuahin nangmah, Pathian leh midangte i rem a nih chuan nghet takin i kal thei ang. Setana beihna che ah chuan nghet takin i ding thei ang.
Setana chuan lungkhamna hmanga tihbuai che a tum fo. Thil chi hrang hrang avangin lungkham kan nei fo – kan hmalam, kan sum leh pai, inlaichinna leh miten min hmuh dante chuan. Lungkham kan nei a nih chuan, mite nena kan inlaichinna ṭhenkhatte chu rel fel loh a ni tihna a ni ang.
Chu mi awmzia chu pheikhawk bun lo ang vel i ni. Miin Pathian Thu a hriatna atanga thlamuanna nun khan a hruai lo che tihna a ni.
Bible chuan hetiang hian a sawi, “I Dân ngaihtuahtute an thlamuang êm êm ṭhîn, Eng mahin a titlu thei si lo.” [Sam 119:165]. Chu mi awmzia chu, Bible thu i ngainata i zawm that ang zelin nangmaha thil thlengte chuan an tibuai nep tial tial che ang a, amah nena in inkawm tlem chuan i nuna thil thlengte chuan an tibuai zual zel ang che.
Bible-in i nihna, midang nihna, a sawi chu pawm tum mai ang che, a pawimawh berah chuan Pathian a sawi dan chu ngai pawimawh lehzual ang che.
Ngaihtuah zui atan
Eng nge i enghelh lian ber chu ni mek? i thil eng helh chi Bible-in engtin nge a sawi?
Pathian chu engtin nge I duh zual sauh sauh theih ang?
[Lettu: Peka]
No comments:
Post a Comment