_Hmuh Theih Loh Indona_
Rick Warren
Feb 26, 2024
”Mi tinin thilpêk in hmuh ang zêlin Pathian khawngaihna tinrêng enkawltu ṭhate angin, chûng chuan rawng inbâwl tawn ṭheuh rawh u.“
1 Petera 4:10
Pathian chuan i talent neih te chu mahni hma i sial nge sial lo tih fiah nan a hmang thin.
Hringnunah hian tu tan nge emaw eng atan nge i nun i hman dawn tih duh i thlan a ngai a. Mahni hmasial, mi uikawm nge ni a mahni tan aia ropui zawk Pathian Lalram tan i nung zawk ang.
Mi rinawmte chu mahni tan chauh an nung ngai lo. Pathianin talent a pekte hi anmahni tan chauh a ni lo tih an hria a. Khawvel hi a tha zawnga siamtha turin an bei thin.
Pathianin a siam che khan, thilpekte, talent te, theihna te leh tawnhriat hrang hrang a pe che a. Chungte chuan nangmah a nangmah kha an siam a ni. Pathian pawhin chutiang a nangmah ni turin a siam che a. He khawvelah hian nangmah ang tumah an awm lova, i nih ang i nih a, a ropuina i nih a duh a ni.
Pathian chuan a rawngbawl turin a siam che a, chu chu kawng khat chauhin a tih theih: mi dang te rawngbawlsak hmangin.
Thil mawi tak thiamna i neiin, "nuam ka tih vang a lawm" i ti mai thei a. Thil tha tak a ni, mahse a la tha tawk lo. I nuam tih atan mai mai chauh Pathianin theihna a pe lo che a. Engtin emaw mi dangte i puih theihna turin a pe che a ni.
Mi thenkhat chuan thil siamthat thiamna in nei a. Theikhat chu chhiarkawp lamah in tha em em a. Thenkhat chuan inremna siam an thiam a. Thenkhat chu rimawi lam an thiam a. Thenkhat chuan thil huaihawt an thiam a. Thenkhat erawh huan enkawl an thiam bawk.
Khawvela thil engkim hi a nih tur ang a nih theihna turin Pathian chuan in ang lo theuhin min siam a. Thil pakhat nuam kan tih theuh chuan, thil dang tam tak kha tih lohin a awm thin dawn a ni.
Bible chuan 1 Petera 4:10-ah chuan, ”Mi tinin thilpêk in hmuh ang zêlin Pathian khawngaihna tinrêng enkawltu ṭhate angin, chûng chuan rawng inbâwl tawn ṭheuh rawh u" a ti.
I theihna te hmang tangkai tur i ni a, Pathian chuan he khawvelah hian mi dangte tan malsawmna ni turin i hmang tangkai em tih a en reng a. He leiah tangkai taka i hman chuan, vanah mawhphurhna tam zawk a pe ngei ang che, chung chuan chatuan atan hlimna a pe ang che.
Ngaihtuah zui atan...
I pianhmang chu thlarau thilpek i dawn te, i thinlung te, thiehna te, mizia te, leh tawnhriat nangmah siamtu che kha an ni a. Heng kawng hrang hrangahte hian Pathianin engtin nge a duan che?
I pianhmang i hriat chuan, chungteah chuan i rintlak em tih i inhre thei ang. I thilpek dawn, theihna, tawnhriatte engti kawngin nge i hman le?
Engvangin nge vanramah rawngbawl leh mawhphurhna neih chu thil lawmawm a nih ang?
(Lettu: Msa)
No comments:
Post a Comment