_I Nun Dan Thlirlet La_
Rick Warren
Jan 22,2024
"Engkim a tih chu a tha a ni" Sam 111:7 (NCV)
Sual chu engnge tih mi dangte i zawh chuan, chhanna tam tak i dawng anga, tualthah atanga Nute Ni-ah i nu i biak theihnghilh thleng pawhin an sawi maithei a ni.
A tam berah chuan, mi tam tak chuan nungchang tha lo hi sualah an ngai a. I nungchang tha lo chuan sual hi a pholang fo reng bawk a. Mahse Bible chuan kan nungchang aiin kan thinlung hi Pathianin a thlir thin tih min hrilh- a chhan chu sual ngaihtuahna hian nungchang tha lo a siam chhuak thin a ni.
A nih chuan sual chu eng nge ni? Pathian kalh zawng reng reng hi sual a ni. Bible chuan, "Engkim a tih chu a tha vek a", "A ni chu mitin chungah a thain, a siamte chungah zah a ngai thin a," tih leh "Pathian thilsiam engkim chu an tha a ni" (Sam 111:7 NCV, Sam 145:9 GNT, 1 Tim 4:4 GNT) a ti.
Pathian thiltih engkim chu a tha em em a, a thilsiamte pawh an tha a ni. Mahse Pathian thilsiamte chu kawng diklo zawnga kan hman chuan sual a ni thung.
Entirna atan, damdawi hi min chawh anga kan ei chuan kan thatpui em em a. Mahse hman sual a nih chuan thil tha em em pawh kha a hlauhawm hle a ni. Pawisa pawh hi a tha emaw tha lo emaw pawh a ni chuang lo. Thil tha tak atana hman theih a ni a, thil tha lo tak pawh a thlen thei bawk.
Pathian chuan i sual atangin hawikir tur leh a lamah rinawm taka kal turin a duh che a. Rinna awmze pakhat chu Pathian hian i thatna tur ber a ngaihtuah awih tlat hi a ni. Pathian chu eng ang nge tih i ngaihtuah buai a ngai miah lo. Bible chuan a ni chu a tha famkimin, a tisual ngai lo a ti.
He leiah chuan i tha famkim ngai hauh lovang, mahse Isua i ang deuh deuh thei thung. Chumi chu sual atanga inherin, nitinin thil tha leh Pathian duhzawng lam i thlan zel kha a ni dawn a ni.
Ngaihtuah zui atan...
I nunin a tum ber chu Isua an a nih chuan, chumi ngaihtuah thei tur chuan i ngaih pawimawhte engtin nge i tih danglam theih ang?
Sual lakah engtin nge Pathian thu i hriatna khan a puih theih che?
Amah i an theih nan Pathianin eng hmanraw dang nge a hman thin?
(Lettu : Msa)
No comments:
Post a Comment