Monday, December 4, 2023

I TI DANGLAM THEI LO, MAHSE PATHIANIN A HMANG ṬANGKAI THEI

_Hun Khirh Tak Kara Ke Pen Dan_

- Rick Warren
Dec, 04 2023
"Nangni zawngin ka chungah thil sual tih in rilrûk a; nimahsela, Pathian chuan vawiin ang hian mi tam tak nungdama chhan himna tûra thil ṭhaa chantîr a rilrûk zâwk a lo ni si a.”
‭‭Genesis ‭50‬:‭20‬ ‭

Josepha thawnthu kha i la hria em?

A pa fa duhsak bik a nih avangin a unaute khan an thik a, tichuan Josepha chu salah an hralh ta a. Aiguptaah hruai niin, a hun hmasa kum 40 chu engmah dik a awm lo a ni ber mai. Salah hralh a ni a, pawngsuala puh a ni a, a tihsual hauh lovah lung in tantir a ni.

Kum 40 chhung khan Josepha tan khan engmah a dik thei lo a ni ber mai - mahse Pathian khan a duhna hmun takah a dah a ni. An hun laia ram chak ber Aigupta ram lal ber dawttu a la ni dawn tih kha a hre reng a ni. Chumi avang chuan, Aigupa leh Israel ram vel chu Josepha chuan ṭam tla lakah a chhanchhuak thei a ni.

Hnam hnih a chhandam a ni mai lova, a chhungte, amah hralhtute ngei pawh kha a chhandam a ni. A hmaah an inlan khan Josepha khan lo chhuahchhalin, a hrem thei reng bawk.

Mahse a unaute laka a rilru kha engtin nge kha? Khawngaihna nen a lo dawngsawng a, khakna tel miah lovin. Pathianin a thlir thui zawk tih leh tum a nei tih a hriat avangin chutiang chuan a ti thei a ni. Kan nuna kan natna ber pawh Pathian hian a hmang  ṭangkai thei a ni.

Josepha chuan a unaute hnenah chuan, “Nangni zawngin ka chungah thil sual tih in rilrûk a; nimahsela, Pathian chuan vawiin ang hian mi tam tak nungdama chhan himna tûra thil ṭhaa chantîr a rilrûk zâwk a lo ni si a" (Genesis ‭50‬:‭20‬) a ti a. Pathian chuan a unaute sualna chu hmangin, mi tam tak chhandamna atan a hmang ṭangkai ta a ni.

Kan nunah hian mi tu emaw tum ṭha lo tak tak nei, min ei lotu, min sawisel thin, min tina thintu an awm zel ang. Mi dangte sualna man teltu i nih ṭum pawh a awm ang.  A pehhel theih loh.

I hrethiam lo mai thei - mahse i hriatthiam kher pawh a ṭul lo. Josepha ang khan i dinhmun i thlak thei lo a ni mai thei. A chang chuan engtin nge i pal tlang ang emaw, Pathianin a tih mek chu i ngaihtuah a ni mai thei e.

Pathian hian engkim a hmang thei, a ṭha emaw ṭha lo emaw, a duhzawng tih hlawhtlin nan a hmang thei a ni. I mizia ti ṭha zel a, mi dangte tihtir theih loh tur che Isua an tir zel che a tum a ni.  Mi dangte thil tum ṭha lo tak tak kha, Pathianin a ṭha zawngin a hmang thei a ni.

Ngaihtuah zui atan...

Kum tam tak a liam hnuah lo chuan Pathianin kan natna te kan ṭhat nan a hmang ṭhin tih kan hmu thin lo. I nunah chutiang entirna tur chu a awm em? Chutiang natna atang chuan engtin nge Pathian chungchang i zir chhuah le?

Isua ang zel turin kan natna thin dinhmunte hi engvangin nge  tha ber a nih fo?

Khakna tel lo, khawngaihna nen mi dangte chhanglet thei turin khawi atangin nge theihna i dawn ang? Mahniin i ti thei em?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...